વૈભવ સૂર્યવંશી, ઉંમર ૧૪ વર્ષ... IPL ૨૦૨૫ની વર્તમાન સીઝનમાં, તે તેની ઉંમર કરતા બમણી ઉંમરના વિશ્વ સ્તરના બોલરોને હરાવી રહ્યો છે. તેણે પોતાના આઈપીએલ ડેબ્યૂના પહેલા જ બોલ પર શાર્દુલ ઠાકુરને સિક્સર ફટકારીને ધમાકેદાર રીતે પોતાના ડેબ્યૂની જાહેરાત કરી. બાદમાં, તેણે RCB સામેની મેચમાં ભુવનેશ્વર કુમાર સામે બે છગ્ગા પણ ફટકાર્યા હતા. 28 એપ્રિલના રોજ, તેણે રેકોર્ડબ્રેક સદી ફટકારી. જ્યાં તેણે ફક્ત 35 બોલ રમી અને IPL મેચમાં આવું કરનાર સૌથી ઝડપી ભારતીય બેટ્સમેન બન્યો.

ડાયેટ ચાર્ટમાંથી પિઝાને દૂર કરવામાં આવ્યા

ઓઝાએ ટાઈમ્સ ઓફ ઈન્ડિયાને જણાવ્યું કે, તેમને મટન ન ખાવાની સૂચનાઓ છે. તેના ડાયેટ ચાર્ટમાંથી પિઝાને દૂર કરવામાં આવ્યા છે. તેને ફક્ત ચિકન અને મટન જ ગમે છે. તે નાનો છે એટલે તેને પીઝા ખૂબ ભાવતા હતા પણ હવે તે ખાતો નથી, જ્યારે અમે તેને મટન આપતા હતા, ભલે ગમે તેટલું આપતા, તે બધુ જ ખાતો હતો, આથી તે થોડો જાડો દેખાય છે.

રાજસ્થાને ૧૫.૫ ઓવરમાં 210 રનનો ટાર્ગેટ ચેઝ કર્યો

સોમવારે રાત્રે સવાઈ માનસિંહ સ્ટેડિયમ ખાતે ગુજરાત ટાઇટન્સ સામે 210 રનના લક્ષ્યનો પીછો કરતી વખતે રાજસ્થાન રોયલ્સનું પ્રતિનિધિત્વ કરતી વખતે વૈભવે પોતાની ઇનિંગથી ક્રિકેટ ચાહકોને મંત્રમુગ્ધ કરી દીધા. રાજસ્થાને ૧૫.૫ ઓવરમાં લક્ષ્ય હાંસલ કરી લીધો. આ પરિણામથી રાજસ્થાનના ટોચના ચારમાં સ્થાન મેળવવાની તેની આશા જીવંત રહી છે.

ઓઝાએ કહ્યું - વૈભવ, તે એક નીડર બેટ્સમેન છે, તેણે વારંવાર કહ્યું છે કે તે બ્રાયન લારાનો ચાહક છે, પરંતુ તે યુવરાજસિંહ અને બ્રાયન લારાનું મિશ્રણ છે, તેની આક્રમકતા બિલકુલ યુવરાજ જેવી છે.

વૈભવે ૩૫ બોલમાં સદી ફટકારી

ગુજરાત ટાઇટન્સ સામે માત્ર 35 બોલમાં સદી ફટકારીને વૈભવ સૂર્યવંશી IPLમાં સદી ફટકારનાર સૌથી યુવા ખેલાડી બન્યો. સોમવારે (28 એપ્રિલ) ના રોજ, તેની જાદુઈ સદીના કારણે, રાજસ્થાન રોયલ્સે 25 બોલ બાકી રહેતા 210 રનનો લક્ષ્યાંક હાંસલ કર્યો. આ આઈપીએલના ઇતિહાસમાં બીજી સૌથી ઝડપી સદી છે. તે પુરુષોની T20 ક્રિકેટમાં સદી ફટકારનાર સૌથી નાની ઉંમરનો ખેલાડી પણ બન્યો. તે 38 બોલમાં 101 રન બનાવીને આઉટ થયો હતો. IPLમાં સૌથી ઝડપી સદીનો રેકોર્ડ વેસ્ટ ઇન્ડીઝના ક્રિસ ગેઇલના નામે છે, જેમણે એપ્રિલ 2013માં પુણે વોરિયર્સ સામે રોયલ ચેલેન્જર્સ બેંગ્લોર માટે 30 બોલમાં સદી ફટકારી હતી.