આમ તો કહેવાય છે કે ગુજરાતમાં દારૂબંધી છે, પણ માત્ર કાગળ પર જ છે તેવું કહેવું પણ જરા પણ ખોટું નથી. કારણ છે, રોજબરોજ સોશિયલ મીડિયામાં ગુજરાતના દારૂડિયાઓના વાયરલ થતાં વીડિયો... 

રોંજીદા એક એવો વીડિયો તો તમે ચોક્કસ જોયો જ હશે જેમાં ક્યાંક કોઈ વ્યક્તિ દારુ પીવે છે તો કોઈ વ્યક્તિ દારુ પીને દંગલ કરે છે. ગુજરાતમાં જાણે હવે આ સામાન્ય ઘટના બની ગઈ હોય તેવું લાગી રહ્યું છે. ગુજરાતમાં પણ ખાસ કરીને રાજકોટમાં દારૂડિયાઓ ખુલ્લેઆમ દંગલ કરતા હોય તેવા અનેક વીડિયો સામે આવ્યા છે. ત્યારે આવો જ વધુ એક વીડિયો વાયરલ થયો છે જે છે શહેરના ભાવનગર રોડ પરનો. દ્રશ્યોમાં પણ જોઈ શકાય છે કે નશામાં ચૂર આ વ્યક્તિ ટ્રકની સામે બેસી ગયો અને દંગલ મચાવ્યું. દારૂડિયાઓના ત્રાસને લઇને સામાન્ય લોકોને હવે શહેરમાં દિવસે નીકળવું  પણ જાણે અઘરું બની ગયું છે.