બેંગલુરુના વીરભદ્ર નગરમાં આજે એક બસ ડેપોમાં ભીષણ આગ લાગી હતી. આગમાં દસ જેટલી બસો બળીને રાખ થઈ ગઈ હતી. મળતી માહિતી મુજબ લગભગ 50 બસો આગની લપેટમાં આવી ગઈ છે. આગ પર કાબૂ મેળવવા માટે ફાયર બ્રિગેડની ઘણી ગાડીઓ ઘટનાસ્થળે હાજર છે.

બસમાં આગ લાગતા આસપાસના વિસ્તારોમાં અરેરાટી ફેલાઈ ગઇ હતી. સદનસીબે આ ઘટનામાં કોઈ જાનહાનિના સમાચાર નથી. જો કે હજુ સુધી આગ લાગવાના કારણ અંગે ચોક્કસ માહિતી મળી શકી નથી. કટીંગ અને વેલ્ડીંગ મશીનમાંથી નીકળેલી સ્પાર્કને કારણે આગ ફેલાઈ હોવાની આશંકા છે. ફાયર ઓફિસરે જણાવ્યું હતું કે હાલ પરિસ્થિતિ કાબૂમાં છે.