1.5 હજાર બાળકો સાથે તામિલનાડુ ટોચ પર : કેન્દ્ર સરકારે તમામ રાજ્યોનો આપ્યો ડેટા 

કેન્દ્ર સરકારે સુપ્રીમ કોર્ટને જાણ કરી છે કે ભારતભરમાં 18,807 અનાથ, ત્યજી દેવાયેલા બાળકો બાળ સંભાળ સંસ્થાઓમાં દત્તક લેવાની રાહ જોઈ રહ્યા છે. નવેમ્બરમાં, કોર્ટે સોલિસિટર જનરલ ઐશ્વર્યા ભાટીએ દરેક જિલ્લામાં સીસીઆઇએસમાં નોંધાયેલા બાળકોના ડેટાનું વ્યક્તિગત રીતે સંકલન સુનિશ્ચિત કરવા જણાવ્યું હતું.

ડેટાના સંકલન પછી, કેન્દ્રએ તેના સોગંદનામામાં સુપ્રીમને જણાવ્યું હતું કે તમિલનાડુ સીસીઆઇમાં આવા બાળકોની સૌથી વધુ સંખ્યા 1,541 છે, ત્યારબાદ જમ્મુ અને કાશ્મીર (1,035), મહારાષ્ટ્ર (1,007), ઉત્તર પ્રદેશ (850), ઓડિશા ( 809), રાજસ્થાન (685), અને પશ્ચિમ બંગાળ (423) છે.

સેન્ટ્રલ એડોપ્શન રિસોર્સ ઓથોરિટી (કારા) હેઠળ અત્યંત ધીમી અને જટિલ દત્તક લેવાની પ્રક્રિયાને ઝડપી અને સરળ બનાવવાનો પ્રયાસ કરી રહેલા કારા અધિકારીઓ સમક્ષ એક પ્રશ્ન એ છે કે શું હિંદુ દત્તક અને જાળવણી અધિનિયમ (એચએએમએ) હેઠળ દત્તક લેવાને તેમની દેખરેખ હેઠળ લાવી શકાય? કારા હાલમાં જુવેનાઈલ જસ્ટીસ (કેર એન્ડ પ્રોટેક્શન ઓફ ચિલ્ડ્રન) એક્ટ હેઠળ બાળક દત્તક લેવાની પ્રક્રિયા પર નજર રાખે છે.

એનજીઓ 'ધ ટેમ્પલ ઑફ હીલિંગ'ના પીયૂષ સક્સેનાના સૂચનનો વિરોધ કરતાં કેન્દ્રએ કહ્યું, " એચએએમએ અને જેજે એક્ટ એ દત્તકને સંચાલિત કરતા અલગ કાનૂની માળખા છે. જ્યારે એચએએમએ એ વ્યક્તિગત કાયદો છે, જેજે એક્ટ એક બિનસાંપ્રદાયિક અને પ્રગતિશીલ કાયદો છે. એચએએમએ ખાસ કરીને હિંદુ સમુદાયમાં દત્તક લેવા સાથે વ્યવહાર કરે છે અને દત્તક લેવા ઈચ્છતા હિંદુ પરિવારો માટે માર્ગદર્શિકા અને પ્રક્રિયાઓ પૂરી પાડે છે. જ્યારે જેજે એક્ટ જેમને સંભાળ અને રક્ષણની જરૂર છે તેવા તમામ બાળકોને તેમના ધર્મ અથવા બેકગ્રાઉન્ડને ધ્યાનમાં લીધા વગર લાગુ પડે છે, જેજે એક્ટ હેઠળ દત્તક લેવાની પ્રક્રિયામાં બાળકના હિતોને સુનિશ્ચિત કરવા માટે કડક કાર્યવાહીનો સમાવેશ થાય છે. 

છેલ્લા ત્રણ વર્ષમાં, 2021 અને 2024 ની વચ્ચે, જેજે એક્ટ હેઠળ 10,875 બાળકોને દત્તક લેવામાં આવ્યા હતા, જ્યારે એચએએમએ હેઠળ દત્તક લેવાયેલા બાળકોની સંખ્યા 19,424  હતી.