વરસાદની સિઝન આવતા જ લીલા શાકભાજીના ભાવ આસમાને પહોંચવા લાગે છે. સામાન્ય લોકોને ભારે મુશ્કેલીઓનો સામનો કરવો પડે છે. આ દરમિયાન ચોરોની નજર લીલા શાકભાજી પર પણ પડે છે ત્યારે મામલાની ગંભીરતા સમજી શકાય છે. આવો જ એક કિસ્સો યુપીના ટાઉનશીપમાં સામે આવ્યો છે, જ્યાં ચોરો લાખોની કિંમતનો 50 ગુણી આદુ લઈને ફરાર થઈ ગયા હતા. કપ્તાનગંજ ડીએસપી વિનય ચૌહાણે ફરિયાદ બાદ કેસ નોંધ્યો છે.

લાખોની કિંમતના આદુની ચોરીનો આ મામલો સામે આવ્યા બાદ દરેક લોકો ગભરાટમાં છે. અહીંના હાઈવે 28 પર ઉભેલી ટ્રકમાં ભરેલ આદુ ચોરો સરળતાથી લઈ ગયા. જેની કિંમત લાખોમાં આંકવામાં આવી રહી છે.

લાખોની કિંમતના આદુની ચોરીનો આ મામલો બસ્તીના કપ્તાનગંજ પોલીસ સ્ટેશન વિસ્તારનો છે. અહીં હાઈવે 28 પર એક ટ્રક ઉભી હતી. ટ્રક ડ્રાઈવર ઘરે ખાવા માટે ગયો હતો. ત્યારબાદ તે ગાઢ નિંદ્રામાં સરી પડ્યો હતો. બાદમાં જ્યારે તે પાછો ફર્યો ત્યારે તેણે જોયું કે તેની ટ્રક લગભગ ખાલી હતો.

હાઇવે પર જ્યાં ટ્રક પાર્ક કર્યો હતો. ત્યાંથી થોડે દૂર પોલીસ ચોકી હતી.પરંતુ પોલીસને કોઈ સુરાગ ન મળ્યો અને ન તો ચોરોએ કોઈ ડર બતાવ્યો. ડ્રાઈવરનું કહેવું છે કે તે પશ્ચિમ બંગાળથી દિલ્હી જઈ રહ્યો હતો.નેશનલ હાઈવે એક એવી જગ્યા છે જ્યાં 24 કલાક પોલીસની તકેદારી રહે છે. યુપીમાં જ્યાં પણ હાઈવે પસાર થાય છે ત્યાં ખાસ પોલીસ સ્ટેશન તૈનાત છે. પરંતુ તેમ છતાં લાખોની કિંમતનું આદુ ગુમ થયું હતું.

છૂટક બજારમાં આદુનો ભાવ 200 થી 250 રૂપિયા પ્રતિ કિલો છે. ડ્રાઈવરની ફરિયાદના આધારે પોલીસે ગુનો નોંધી ચોરોની શોધખોળ શરૂ કરી છે.