દેશના ટોચના આઠ શહેરોમાં અમદાવાદ સૌથી વધુ પોસાય તેવું શહેર છે. બુધવારે રિયલ એસ્ટેટ કન્સલ્ટન્સી નાઈટ ફ્રેન્ક દ્વારા જાહેર કરવામાં આવેલા અફોર્ડેબિલિટી ઈન્ડેક્સ અનુસાર અમદાવાદ ભારતમાં સૌથી વધુ સસ્તું શહેર બન્યું છે. 2023ના પ્રથમ અર્ધવાર્ષિક ગાળાના આધારે, ઇન્ડેક્સ લોકોના ઘરો અથવા અન્ય સામાન ખરીદવાની ક્ષમતા જણાવે છે. તે સમાન માસિક હપ્તાના ગુણોત્તર અને કુટુંબની સરેરાશ આવક પર આધારિત છે. 2022માં પણ અમદાવાદ સૌથી વધુ પોસાય તેવું શહેર હતું.

2023 ના પ્રથમ છ મહિનામાં, અમદાવાદનો ગુણોત્તર 23 ટકાના દરે ભારતના ટોચના આઠ શહેરોમાં સૌથી નીચો નોંધાયો છે. તે પછી 26 ટકાના રેશિયો સાથે પુણે અને કોલકાતાનો નંબર આવે છે. તે સરેરાશ ઘરની આવકનું પ્રમાણ છે જે EMI ચુકવણીઓ પર ખર્ચવામાં આવે છે.

દેશની આર્થિક રાજધાની તરીકે ઓળખાતું મુંબઈ સૌથી ઓછું સસ્તું એટલે કે 55 ટકાના રેશિયો સાથે સૌથી મોંઘું શહેર છે. તે પછી હૈદરાબાદ (31 ટકા) અને નેશનલ કેપિટલ રિજન (30 ટકા) આવે છે. આઠ શહેરોની યાદીમાં મુંબઈ આઠમા ક્રમે, હૈદરાબાદ સાતમા, દિલ્હી છઠ્ઠા, બેંગલુરુ પાંચમા, ચેન્નાઈ ચોથા, પૂણે ત્રીજા અને કોલકાતા બીજા ક્રમે છે.

જણાવી દઈએ કે વધતી જતી મોંઘવારી પર અંકુશ મેળવવા માટે ભારતીય રિઝર્વ બેંકે ગયા વર્ષે મે મહિનાથી બેન્ચમાર્ક રેપો રેટમાં 250 બેસિસ પોઈન્ટનો વધારો કર્યો છે. નાઈટ ફ્રેન્કના જણાવ્યા અનુસાર, આના કારણે શહેરોમાં સરેરાશ 2.5 ટકાની અસર થઈ છે અને ત્યારથી અત્યાર સુધીમાં EMIમાં 14.4 ટકાનો વધારો થયો છે.