पंजाब में जबसे AAP की सरकार आई है दंगे, हत्याएं और पुलिस पर हमला आम बात हो गई है। और अब तो पंजाब से ऐसे 'तालिबानी हुकूमत' के वीडियो रोजाना ही देखने को मिलते हैं। अतिवादियों से हाथ मिलाकर सरकार तो बना ली AAP ने, पर सजा पंजाब की जनता भुगत रही है। pic.twitter.com/zPVe1rBjyD

— RajyavardhanRathore (@Ra_THORe) February 24, 2023

મોહાલીને અડીને આવેલા ગામ બડ મજરામાંથી એક હૃદયદ્રાવક ઘટના સામે આવી છે. અહીં મોહાલીના એક રહેવાસીની આંગળીઓ કાપી નાખવાનો બનાવ સામે આવ્યો છે. એટલું જ નહી આ અંગેનો એક વીડિયો પણ સોશિયલ મીડિયા પર વાયરલ થયો છે. મળતી માહિતી મુજબ હરદીપ સિંહ ઉર્ફે રાજુ મોહાલીના રહેવાસી છે. તેના કેટલાક શખ્સોએ તિક્ષ્ણ હથિયારો વડે આંગળીઓ કાપી નાંખી હોવાનો કિસ્સો પ્રકાશમાં આવ્યો છે. ઘટનાને અંજામ આપતી વખતે સમગ્ર ઘટનાનો એક વીડિયો પણ બનાવવામાં આવ્યો હતો જે સોશિયલ મીડિયા પર વાયરલ થયો છે.

આ વીડિયો સોશિયલ મીડિયા પર વાયરલ થયા બાદ પોલીસ દ્વારા આરોપી વ્યક્તિ વિરુદ્ધ અલગ-અલગ ગંભીર કલમોમાં કેસ નોંધવામાં આવ્યો છે અને આરોપીની શોધ ચાલી રહી છે. આ મામલે પોલીસ દ્વારા દરોડા પણ પાડવામાં આવી રહ્યા છે. સૂત્રોના જણાવ્યા અનુસાર, થોડા મહિના પહેલા મોહાલીમાં બંટી નામના યુવકની કેટલાક યુવકોએ નિર્દયતાથી હત્યા કરી હતી. મૃતકના પરિવારજનો દ્વારા આ ઘટનામાં તેમની સંડોવણી હોવાની શંકાના આધારે તપાસ હાથ ધરવામાં આવી છે.
​​​​​​​