ધર્મના નામે ફેલાવાયેલા ઝેરની અસર ઓસરી ; પાકિસ્તાનમાં જીવન નર્ક જેવું બન્યું, હાલત ગુલામો કરતાં પણ થઇ ખરાબ : પીઓકે નાગરિક

ભારત અને પાકિસ્તાનને સાથે મળીને આઝાદી મળી, પરંતુ ભારત પ્રગતિમાં આગળ વધ્યું અને આતંકવાદ, હિંસા અને ગરીબીને કારણે પાકિસ્તાન પાછળ રહી ગયું. આવી સ્થિતિમાં પાકિસ્તાનના ગેરકાયદેસર કબજામાં રહેલા પીઓકેના લોકો ભારતનો ભાગ બનવા માંગે છે. પીઓકેના આ લોકો ઈચ્છે છે કે પાકિસ્તાનમાં તેમનું જીવન નર્ક જેવું બની ગયું છે તો આવી સ્થિતિમાં તેઓ જલદી ભારતમાં જોડાવા માંગે છે. ત્યાં ભારત સાથે વિલીનીકરણની માંગ દિવસેને દિવસે વેગ પકડી રહી છે.
​​​​​​​

પાકિસ્તાની સૈન્ય તરફથી તેમના જીવના જોખમને કારણે બ્રિટનમાં નિર્વાસિત જીવન જીવતા પીઓકેના રહેવાસી અજમદ અયુબ મિર્ઝાએ કહ્યું કે દરરોજ પીઓકેના સેંકડો લોકો પૂછે છે કે તેઓ ક્યાં સુધી પાકિસ્તાની સેનાના અત્યાચારો સહન કરશે. મીડિયા રિપોર્ટ્સ અનુસાર, પીઓકેના લોકોનું કહેવું છે કે તેઓ સત્તાવાર રીતે ભારતના રહેવાસી છે અને હવે તેઓ ખરેખર ભારતનો ભાગ બનવા માટે રાહ જોઈ શકતા નથી.

મિર્ઝા કહે છે કે પાકિસ્તાની શાસકો પીઓકેને આઝાદ કાશ્મીર કહે છે, પરંતુ અહીંના લોકોની હાલત ગુલામો કરતાં પણ ખરાબ છે. દાયકાઓથી આઝાદીના નામે પાકિસ્તાની સેના પીઓકેમાં જુલમ કરી રહી છે અને કાશ્મીરમાં આતંક ફેલાવી રહી છે. હવે લોકો સમજવા લાગ્યા છે કે જે દેશ આર્થિક બરબાદીની આરે બેઠો છે તે તેમના માટે કઈ નહી કરી શકે. આવી સ્થિતિમાં કાશ્મીરમાં ધર્મના નામે જે ઝેર ફેલાવવામાં આવ્યું હતું તેની અસર પણ ઓસરવા લાગી છે.

'પાક સેના અને સરકારનો પીઓકે પર કબજો'

મિર્ઝાએ કહ્યું, પીઓકેના તમામ સંસાધનો પાકિસ્તાની સેના અને સરકારના નિયંત્રણમાં છે. અહીં સામાન્ય લોકોને બે ટાઈમનું ભોજન મેળવવા માટે મુશ્કેલીનો સામનો કરવો પડી રહ્યો છે. પાકિસ્તાની નાગરિકે કહ્યું કે પાકિસ્તાની શાસકો પીઓકેને આઝાદ કાશ્મીર કહે છે, પરંતુ અહીંના લોકોની હાલત ગુલામો કરતા પણ ખરાબ છે. દાયકાઓથી પાકિસ્તાની સેના પીઓકેમાં આઝાદીના નામે અત્યાચાર કરી રહી છે.