આજે દેશે મેક ઇન ઇન્ડિયા હેઠળ સંરક્ષણ ઉત્પાદનમાં મોટી સફળતા હાંસલ કરી છે. ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન દ્વારા વિકસિત P-7 હેવી ડ્રોપ સિસ્ટમની મદદથી, સાત ટન વજનના સાધનોને હવે યુદ્ધના મેદાનમાં સરળતાથી પેરાશૂટ કરી શકાશે. ભારતીય વાયુસેનાએ તાજેતરમાં DRDOની પેટાકંપની એરિયલ ડિલિવરી રિસર્ચ એન્ડ ડેવલપમેન્ટ એસ્ટાબ્લિશમેન્ટ (ADRDE) દ્વારા ડિઝાઇન અને વિકસિત હેવી ડ્રોપ સિસ્ટમનું સફળતાપૂર્વક ફ્લાઇટ પરીક્ષણ કર્યું.
આ સિસ્ટમનો ઉપયોગ સાત ટન વજનના વર્ગમાં લશ્કરી વાહનો, દારૂગોળો અને સાધનને પેરાશૂટ કરવા માટે થાય છે. IL-76 એરક્રાફ્ટ માટે હેવી ડ્રોપ સિસ્ટમ (P-7HDS) એક પ્લેટફોર્મ અને વિશિષ્ટ પેરાશૂટ સિસ્ટમ ધરાવે છે. પેરાશૂટ સિસ્ટમ એ મલ્ટી-સ્ટેજ પેરાશૂટ સિસ્ટમ છે, જેમાં પાંચ મેઈન કેનોપીઝ, પાંચ બ્રેક શૂટ, બે હેલ્પીંગ શૂટ, એક એક્સ્ટ્રાક્ટર પેરાશૂટનો સમાવેશ થાય છે. તેનું પ્લેટફોર્મ એલ્યુમિનિયમ અને સ્ટીલના મિશ્રણથી બનેલું મેટલ સ્ટ્રક્ચર છે.
આ સિસ્ટમ 100% સ્વદેશી સંસાધનો સાથે સફળતાપૂર્વક વિકસાવવામાં આવી છે. પી-7 એચડીએસને આર્મીમાં સામેલ કરવામાં આવી છે. P-7 હેવી ડ્રોપ સિસ્ટમ L&T કંપની દ્વારા બનાવવામાં આવી રહી છે જ્યારે ઓર્ડનન્સ ફેક્ટરી તેના માટે પેરાશૂટ બનાવી રહી છે.
પેરાશૂટને તેલ અને પાણીની અસર થતી નથી અને તેનો લાંબા સમય સુધી ઉપયોગ કરી શકાય છે. ડીઆરડીઓ લાંબા સમયથી આ સિસ્ટમ બનાવવાની તૈયારી કરી રહ્યું હતું. છેલ્લા પાંચ વર્ષથી હેવી ડ્રોપ સિસ્ટમનું પરીક્ષણ ચાલી રહ્યું છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationજગન્નાથ રથયાત્રાના દિવસે બની રહ્યા છે આ દુર્લભ યોગ, જાણો દિવસમાં કેટલો સમય કરી શકાશે પૂજા
July 05, 2024 11:40 PMવરસાદી ઋતુમાં ત્વચાની તમામ સમસ્યાઓ દૂર કરશે આ નાના નાના પાંદડા
July 05, 2024 11:26 PMCopyright © 2023-2024 Aajkaal Daily
Developed by Rhythm Infotech