રાજકોટમાં શાળા સંચાલકોએ બનાવેલા નિર્ણયએ ચર્ચા જગાડી છે. આ નિર્ણય એવો છે કે જેમાં વાલીઓ ટૂંકા વસ્ત્રો પહેરીને હવે શાળામાં પ્રવેશ કરી નહીં શકે. અત્યાર સુધી મંદિરમાં આ પ્રકારના નિયમો હતા. પરંતુ હવે શાળામાં પણ આ પ્રકારના નિયમને લઈને ચર્ચા જાગી છે.
સામાન્ય રીતે એવું બનતું હોય છે કે, જ્યારે વિદ્યાર્થીને શાળાનો સમય સવારે હોય ત્યારે વાલીઓ બરમુડા કેપરી ગાઉન આ પ્રકારના વસ્ત્રો પહેરીને શાળામાં પોતાના બાળકને મુકવા માટે આવતા હોય છે. જેને લઈને હવેથી એવો નિર્ણય કરાયો છે કે આ પ્રકારના વસ્ત્રો પહેરીને વાલીઓ શાળામાં પ્રવેશ કરી શકશે નહીં. તેમજ જો કોઈ વાલી આ પ્રકારના વસ્ત્ર પહેરશે તો તેને શાળામાં પ્રવેશ આપવામાં આવશે નહીં. શાળા સંચાલકોનું માનવું છે કે, સ્કૂલ પણ એક વિદ્યાનું મંદિર છે અને ત્યાં આ પ્રકારના કપડાં ન શોભે તેમ જ બાળકો પણ વાલીઓ પાસેથી તમામ વસ્તુ જોઈને જ શીખતા હોય છે. વિદ્યાર્થીઓમાં પણ સારા ગુણ કેળવાય અને શિષ્ત જળવાઈ તે હેતુથી આ નિર્ણય કરવામાં આવ્યો છે. હાલ તો રાજકોટની અનેક શાળામાં આ પ્રકારનો નિયમ અમલી બનાવવામાં આવ્યો છે. જ્યારે ટૂંક સમયમાં રાજકોટની તમામ શાળામાં આ પ્રકારનું નિર્ણય આવશે.
સમગ્ર બાબતે રાજકોટ જિલ્લાના શિક્ષણાધિકારી બી.એસ.કૈલાએ જણાવ્યું હતું કે, ટૂંકા વસ્ત્રો પહેરવા મામલે શાળા સંચાલકોએ તેની મિટિંગમાં નિર્ણય લીધો છે. હજુ આ બાબતે કોઈ માર્ગદર્શિકા જાહેર કરવામાં નથી આવી. 2-3 કલાક બાદ શાળા સંચાલકો સાથે DEOની બેઠક મળશે અને તેમાં આ બાબતે ચર્ચા થશે. આ નિર્ણય શાળા સંચાલકોનો છે જે આવકાર્ય છે. વાલીઓએ શાળાએ ટૂંકા વસ્ત્રો પહેરીને ન આવવું એ વિદ્યાર્થીઓ માટે પણ હિતાવહ છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationઝિમ્બાબ્વે સામે હાર બાદ એમએસ ધોનીના ક્લબમાં શુભમન ગિલની થઈ એન્ટ્રી
July 07, 2024 12:03 PMધોનીએ સલમાન ખાન સાથે સેલિબ્રેટ કર્યો પોતાનો 43મો બર્થ ડે, જુઓ વિડીયો
July 07, 2024 11:53 AM'ટાઈટેનિક' અને 'અવતાર'ના ઓસ્કાર વિનર મેકરનું 63 વર્ષની વયે નિધન
July 07, 2024 11:22 AMસુરતમાં ઇમારત ધરાશાયી થયાની ઘટનામાં 7ના મોત, આખી રાત ચાલ્યું સર્ચ ઓપરેશન
July 07, 2024 10:58 AMCopyright © 2023-2024 Aajkaal Daily
Developed by Rhythm Infotech