રાજકોટ મહાપાલિકાનું વર્ષ ૨૦૨૫-૨૦૨૬નું ૧૫૦ કરોડના કરબોજ સાથેનું રૂ.૩૧૧૨.૨૯ કરોડનું ડ્રાફ્ટ બજેટ આજે મ્યુનિસિપલ કમિશનર તુષાર સુમેરાએ સ્ટેન્ડિંગ કમિટી સમક્ષ રજૂ કર્યું હતું. નવો ફાયર ટેકસ લાગુ કર્યો છે તેમજ મિલકત વેરા અને ડોર ટુ ડોર ગાર્બેજ કલેક્શન ટેકસમાં વધારો સૂચવ્યો છે.

વિશેષમાં આજે સવારે ૧૦ કલાકે પ્રેસ કોન્ફરન્સ સંબોધતા કમિશનરએ જણાવ્યું હતું કે લિવેબલ રાજકોટની થીમ ઉપર બજેટ તૈયાર કર્યું છે. ગત વર્ષનું રિવાઈઝ બજેટ ૨૮૩૧.૯૧ કરોડનું રહ્યું છે. જ્યારે આગામી નાણાકીય વર્ષનું બજેટ ૩૧૧૨.૨૯ કરોડનું છે.

કાર્પેટ એરિયાના દરમાં વધારો સૂચવ્યો છે. આવકમાં જમીન વેચાણની આવક ૭૪૦ કરોડ અને એફએસઆઇ વેચાણ સહિતની આવકનો ટાર્ગેટ ૨૪૦ કરોડએ મુજબ ટીપી બ્રાન્ચને કુલ ૯૮૦ કરોડની આવકનો ટાર્ગેટ અપાયો છે જે કુલ બજેટમાં ૩૩ ટકા છે.