રાજકોટ : કોઠારીયા મેઈન રોડ પર એકસાથે 11 મકાનનું ડીમોલિશન, પરિવારજનો બન્યા ઘરવિહોણા

રાજકોટ કોઠારીયા મેઇન રોડ આવેલી વિવેકાનંદ સોસાયટીમાં આજરોજ મહાનગરપાલિકા દ્વારા ડિમોલેશન હાથ ધરવામાં આવ્યું હતું. કોઠારીયા મેઇન રોડ ઉપર નંદા હોલની સામે કાચા માર્ગ ઉપર 50 ફૂટ મેઈન રોડ બનાવવાના કારણે ડિમોલેશન હાથ ધરવામાં આવ્યું હતું. ડિમોલેશનમાં મહાનગરપાલિકા દ્વારા 11 મકાનોનું ડિમોલેશન કરવામાં આવ્યું હતું. ડિમોલેશનમાં 95 ટકા ડિમોલેશન મકાન માલિકો દ્વારા હાથે જ કરવામાં આવ્યું હતું. માત્ર પાંચ ટકા ડિમોલેશન જ મહાનગરપાલિકા દ્વારા કરવામાં આવ્યું હતું. ત્યારે ડિમોલેશન થયેલા 11 મકાન માલિકોની માંગ કે તેમને આરએમસી કવાર્ટર આપવામાં આવે.