સુલતાન એશિયાના પહેલા ચેસ ખેલાડી હતા જેમણે આંતરરાષ્ટ્રીય સ્તરે નામના મેળવી હતી ઉપરાંત ત્રણ વખત જીતી હતી બ્રિટિશ ચેસ ચેમ્પિયનશિપ
ચેસના દિગ્ગજ મીર સુલતાન ખાનને તેમના મૃત્યુના ૫૮ વર્ષ પછી આખરે તે સન્માન મળ્યું છે. ઈન્ટરનેશનલ ચેસ ફેડરેશનએ તેમને ઓનરરી ગ્રાન્ડમાસ્ટરના ખિતાબથી સન્માનિત કર્યા છે. આ સન્માન મેળવનાર તે પાકિસ્તાનના પ્રથમ ખેલાડી છે. સુલતાન એશિયાના પહેલા ચેસ ખેલાડી હતા જે આંતરરાષ્ટ્રીય સ્તરે ચમક્યા હતા. તેમણે અવિભાજિત ભારત માટે ઘણી આંતરરાષ્ટ્રીય ટુર્નામેન્ટ રમી હતી.
ઈસ્લામાબાદમાં આયોજિત એક સમારોહમાં એફઆઈડીઇ પ્રમુખ આર્કાડી ડ્વોરકોવિચે પાકિસ્તાનના વડા પ્રધાન અનવર ઉલ હકને મીર સુલતાન ખાનનું જીએમ પદવી અર્પણ કર્યું હતું. એફઆઈડીઇએ ૧૯૫૦માં ગ્રાન્ડમાસ્ટર ટાઇટલ આપવાનું શરૂ કર્યું હતું. ૨૫ એપ્રિલ ૧૯૬૬ના રોજ સુલતાનનું અવસાન થયું. તે આ ખિતાબ માટે પ્રબળ દાવેદાર હતા, પરંતુ કેટલાક કારણોસર ખિતાબ તેને આપવામાં આવ્યો ન હતો. સુલતાનની આંતરરાષ્ટ્રીય કારકિર્દી માત્ર પાંચ વર્ષ ચાલી, પરંતુ આ સમય દરમિયાન તેણે ત્રણ વખત (૧૯૨૯, ૧૯૩૧, ૧૯૩૨) બ્રિટિશ ચેસ ચેમ્પિયનશિપ જીતી અને વિદેશમાં પોતાની પ્રતિભા સાબિત કરી. તેમના સમયમાં તેમની ગણના વિશ્વના શ્રેષ્ઠ ખેલાડીઓમાં થતી હતી.
સુલતાન ખાનનો જન્મ ૧૩ માર્ચ, ૧૯૦૩ના રોજ સરગોધા, પંજાબમાં થયો હતો, જે હવે પાકિસ્તાનનો ભાગ છે. નવ વર્ષની ઉંમરે, સુલતાને તેના પિતા પાસેથી ચેસ શીખવાનું શરૂ કર્યું અને તેમાં નિપુણતા મેળવી. તે ૨૧ વર્ષની ઉંમરે પંજાબનો સર્વશ્રેષ્ઠ ખેલાડી હતો. સુલતાને વિશ્વના ઘણા મહાન ખેલાડીઓને હરાવ્યા હતા. તેણે ભૂતપૂર્વ વર્લ્ડ ચેમ્પિયન જોસ રાઉલ કેપબ્લાંકા તેમજ ફ્રેન્ક માર્શલ અને સેવિલે ટાર્ટાકોવર જેવા ખેલાડીઓને હરાવ્યા હતા.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકેશોદ-મુંબઈ વિમાની સેવા બંધ થતાં વેપારીઓ અને પર્યટન ક્ષેત્રને ફટકો, પુનઃ શરૂ કરવાની માગ
April 03, 2025 09:09 PMઅમેરિકામાં તોફાનથી ભયંકર તબાહી, લાખો ઘરોની વીજળી ગુલ, પૂર આવવાનો પણ ખતરો
April 03, 2025 09:07 PMલંડનથી મુંબઈ આવી રહેલી ફ્લાઈટ ટર્કી પહોંચી, 200થી વધુ ભારતીયો 15 કલાકથી ફસાયા, જાણો શું છે કારણ
April 03, 2025 09:05 PM4 એપ્રિલની ગાંધીધામ-પાલનપુર-ગાંધીધામ એક્સપ્રેસ આંશિક રીતે રદ રહેશે
April 03, 2025 09:02 PMCopyright © 2023-2024 Aajkaal Daily
Developed by Rhythm Infotech