ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા આજે ધોરણ 10 નું 83.08 ટકા પરિણામ જાહેર કર્યું છે. બોર્ડના આ પરિણામ કરતાં રાજકોટનું પરિણામ ચાર ટકા જેટલું વધુ એટલે કે 87.19% આવ્યું છે.

ગયા વર્ષે રાજકોટમાં ચાર શાળાનું પરિણામ 0% આવ્યું હતું આ વખતે તે સંખ્યા યથાવત રહી છે. સો ટકા પરિણામવાળી શાળાની સંખ્યા રાજકોટમાં 122 છે. જે ગયા વર્ષ કરતાં છ વધુ છે. 30 ટકા કે તેથી ઓછું પરિણામ ધરાવતી શાળાઓની રાજકોટની વાત કરીએ તો ગયા વખતે આવી 14 શાળા હતી જે આ વખતે ઘટીને 11 થઈ છે.

34190 વિદ્યાર્થીઓ પાસ થયા 

રાજકોટમાં અલગ અલગ કેન્દ્રમાં કુલ 39768 વિદ્યાર્થીઓ નોંધાયા હતા. તે પૈકી 39212 વિદ્યાર્થીઓ ઉપસ્થિત રહ્યા હતા. 34190 વિદ્યાર્થીઓ પાસ થયા છે. આમાંથી એ વન ગ્રેડમાં 3,308 વિદ્યાર્થીઓ છે.

લક્ષ્મીનગર કેન્દ્રનું 88.45% રેસકોર્સ કેન્દ્રનું 92.75% પરિણામ

રાજકોટ શહેર અને જિલ્લાના અલગ અલગ કેન્દ્રના પરિણામની વાત કરીએ તો રાજકોટમાં લક્ષ્મીનગર કેન્દ્રનું 88.45% રેસકોર્સ કેન્દ્રનું 92.75% કરણપરાનું 75.57 ટકા ભક્તિનગર નું 91.68% માલવયા નગરનું 95.99 ટકા કોઠારીયા નું 90.25% કોટેચા નગરનું 87.64% વૈશાલી નગરનું 95.16% પોપટ પરા નું 86.37% બજરંગ વાડીનું 85.27% અને નવા થોરાળા નું 82.05 ટકા પરિણામ આવ્યું છે.

પાંચ શાળાનું પ્રમાણ 10% થી ઓછું પરિણામ

ટકાવારીની દ્રષ્ટિએ રાજકોટની શાળાઓની સમીક્ષા કરીએ તો પાંચ શાળાનું પ્રમાણ 10% થી ઓછું છે. ચાર સ્કુલ એવી છે કે જેનું પરિણામ 11 થી 20 ટકા વચ્ચે છે. છ શાળાઓમાં પરિણામની ટકાવારી 21 થી 30 ટકા વચ્ચે છે અને 14 શાળાઓમાં પરિણામ 31 થી 40% વચ્ચે રહ્યું છે.

27 શાળાઓનું પરિણામ 41 થી 50 ટકા વચ્ચે

27 શાળાઓનું પરિણામ 41 થી 50 ટકા વચ્ચે રહ્યું છે. 51 થી 60 ટકા પરિણામ હોય તેવી શાળાઓની સંખ્યા 31 છે. 57 શાળાઓ એવી છે કે તેનું પરિણામ 61 થી 70 ટકા વચ્ચે છે. 76 શાળાઓનું પરિણામ 71 થી 80 ટકા વચ્ચે અને 131 શાળાઓનું પરિણામ 81 થી 90 ટકા વચ્ચે છે. 212 શાળા એવી છે કે તેનું પરિણામ 91 થી 99% છે અને 122 શાળાઓનું સો ટકા પરિણામ આવ્યું છે.