પોલીસ પ્રજાનો મિત્ર છે તે વાત સાબિત કરી છે રાજકોટના માલવીયાનગર પોલીસ સ્ટેશનમાં પોલીસ જવાનોએ...     

સાતમ આઠમનો તહેવારમાં લોકોએ ખુબ જ મજા કરી. માતા-પિતા બાળકોને લઈને મેળામાં ગયા, અલગઅલગ રાઇડસમાં બેસાડી ભરપૂર આનંદ માણ્યો. આ વચ્ચે  અનાથ બાળકોને આનંદ કરાવવા પોલીસે મેળાની મજા કરાવી. 

સ્પેશ્યલ હોમ ફોર બોયઝના અનાથ બાળકોને અલગ અલગ રાઈડઝમાં બેસાડી આનંદ લેવડાવ્યો હતો. ગઈકાલે માલવીયાનગર પોલીસ સ્ટેશનના અધિકારીઓ અને કર્મચારીઓ જામનગર રોડ પર આવેલા સ્પેશ્યલ હોમ ફોર બોયઝના કુલ 28 બાળકોને નાના મવા સર્કલ પાસે આવેલા મેળામાં લઇ ગયા હતા અને વિવિધ રાઇડ્ઝમાં બેસાડ્યા હતા. અનાથ બાળકોના ચહેરા પર પણ સ્મિત છવાયું હતું.