આજે (26 માર્ચ) કોંગ્રેસ રાહુલ ગાંધીની લોકસભાની સદસ્યતા રદ કરવા પર દેશભરમાં વિરોધ કરી રહી છે. ખાસ કરીને દિલ્હીમાં મોટા પાયે વિરોધ નોંધાવવામાં આવી રહ્યો છે. પાર્ટીના મોટા નેતાઓ અને કાર્યકરો સવારે 10 વાગ્યાથી તમામ રાજ્યોમાં જિલ્લા અને બ્લોક સ્તરે મહાત્મા ગાંધીની પ્રતિમાની સામે પ્રદર્શન કરી રહ્યા છે.
​​​​​​​

વિરોધ સત્યાગ્રહ દરમિયાન પ્રિયંકા ગાંધીએ વડાપ્રધાન પર નિશાન સાધતા કહ્યું કે આજ સુધી અમે ચૂપ રહ્યા, તમે અમારા પરિવારનું અપમાન કરતા રહ્યા. મારા ભાઈએ કહ્યું - હું તમને નફરત કરતો નથી. અમારી વિચારધારા અલગ છે. મારે પૂછવું છે કે તમે એક માણસનું કેટલું અપમાન કરશો. તેમણે કહ્યું કે મારી સામે કેસ કરો પરંતુ સત્ય એ છે કે આ દેશના વડાપ્રધાન કાયર છે.

જોકે દિલ્હી પોલીસે અહીં કલમ 144 લગાવી દીધી છે, પરંતુ કોંગ્રેસના નેતાઓ અને કાર્યકર્તાઓ અહીં પહોંચી રહ્યા છે. કાર્યક્રમ સાંજે 5 કલાકે સમાપ્ત થશે.