સ્વતંત્ર અને સશક્ત હોવાનો અર્થ એ નથી કે જીવનમાં હંમેશા મોટા લક્ષ્યો સિધ્ધ કરતા રહેવું. સેલ્ફ લવ કરતા રહેવુંએ પણ મજબૂત હોવાની નિશાની છે. આજના ઝડપી વિશ્વમાં વ્યક્તિઓ, ખાસ કરીને સ્ત્રીઓ માટે, પોતાના માટે સમય કાઢવો વધુને વધુ મહત્વપૂર્ણ બની રહ્યું છે. જે તેમના જીવનની ગુણવત્તાને સુધારે છે અને તણાવ ઘટાડે છે. મહિલાઓને સતત દબાણનો સામનો કરવો પડે છે. અહેવાલો દર્શાવે છે કે કોઈપણ પ્રકારની સેલ્ફ કેર અને સેલ્ફ લવ વ્યક્તિ માટે ફાયદાકારક છે. સેલ્ફ લવએ વ્યક્તિનો આત્મવિશ્વાસ વધારે છે, જેની સીધી અસર તેના જીવન પર પડે છે.
 

સેલ્ફ લવની સરળ રીતો:

ધ્યાન:

લાંબા સમયથી એવું માનવામાં આવે છે કે ધ્યાન જીવનમાંથી અરાજકતા અને અવ્યવસ્થિતતાને દૂર કરી શકે છે અને વિચારો પર ધ્યાન કેન્દ્રિત કરી શકે છે. તે મનને સ્પષ્ટ, શાંત અને તીક્ષ્ણ બનાવવામાં પણ મદદ કરે છે. અભ્યાસોએ દર્શાવ્યું છે કે ધ્યાનની નિયમિત પ્રેક્ટિસ તણાવ ઘટાડી શકે છે, સામાજિક સંબંધો સુધારી શકે છે અને આપણને આપણા માટે ખૂબ જ જરૂરી સમય પણ આપી શકે છે.

કૃતજ્ઞતા:

જીવનમાં આપણને મળેલી ભેટો આપણે સ્વીકારવી જોઈએ. તેમનું મૂલ્યાંકન કરવાથી જીવનમાં સકારાત્મકતાની મજબૂત અનુભૂતિ થાય છે, જેનાથી આત્મવિશ્વાસ વધે છે. કૃતજ્ઞતા વ્યક્ત કરવાથી રોગપ્રતિકારક શક્તિ વધારવા અને હકારાત્મક લાગણીઓ વધારવા સહિત ઘણા સ્વાસ્થ્ય લાભો છે.

જાત પ્રત્યે દયાળુ બનો:

વ્યક્તિએ જાત પ્રત્યે દયાળુ બનવું જોઈએ. અભ્યાસો દર્શાવે છે કે જાત પ્રત્યે દયાળુ હોવું એ વધુ આશાવાદ અને ખુશી સાથે જોડાયેલું છે. એ સમજવું પણ અગત્યનું છે કે લાગણીઓ વ્યક્ત કરવી એ નબળાઈની નિશાની નથી અને જ્યારે જરૂર હોય ત્યારે મદદ માટે પૂછવુંએ જાતની સંભાળ રાખવામાં મદદ કરે છે.

સેલ્ફ કેર કરો:

સેલ્ફ લવનું બીજું સ્વરૂપ શરીરની સંભાળ રાખવી એ  છે. આ માટે ફેશિયલ અને બોડી સ્કલ્પટિંગ ટ્રીટમેન્ટ આપી શકો છો. આ વધુ કર્વી દેખાવ પ્રાપ્ત કરવામાં મદદ કરશે. આ પ્રક્રિયાઓ વ્યક્તિઓને, ખાસ કરીને મહિલાઓને સશક્ત બનાવે છે, જેઓ પોતાનામાં અતૂટ વિશ્વાસ સાથે તેમના સપના અને આકાંક્ષાઓને પૂર્ણ કરવા માંગે છે.