મુસાફરો ઘણા કલાકો સુધી રેલ્વે સ્ટેશન પર ટ્રેનની રાહ જોઈને બેસી રહે છે. ઘણી વખત એવી સ્થિતિ સર્જાય છે કે જ્યારે મુસાફરો પ્લેટફોર્મ પર પથરાયેલી ચાદર પર સૂઈ જાય છે અને બીજા દિવસે ટ્રેન પકડે છે. જો કે આ રીતે, સ્ટેશનમાં રહેવું ઠીક છે, પરંતુ કોઈ પણ હેતુ વગર સ્ટેશન પર ફરવું એ રેલ્વે મેન્યુઅલ હેઠળ ગુનાની શ્રેણીમાં આવે છે અને આ ગુના માટે, સંબંધિત વ્યક્તિને દંડ પણ થઈ શકે છે.

રેલવેના મુખ્ય જનસંપર્ક અધિકારી કહે છે કે મુસાફરો ટ્રેન પકડવા માટે રેલવે સ્ટેશન પર આવે છે અથવા ટ્રેનમાંથી નીચે ઉતરીને તેમના નિર્ધારિત સ્થળે જાય છે. ઘણા એવા મુસાફરો છે જે સ્ટેશન પર ઉતર્યા પછી આગલી ટ્રેનની રાહ જોતા ત્યાં જ રોકાઈ જાય છે. આ રીતે, મુસાફરો એક અથવા બીજા હેતુ માટે અહીં આવે છે. કારણ કે રેલ્વે સ્ટેશન ફરવા માટેનું સ્થળ નથી. તેથી, કોઈપણ હેતુ વિના અહીં આવવું એ રેલવે મેન્યુઅલની વિરુદ્ધ છે અને ૫૦૦ રૂપિયા સુધીનો દંડ થઈ શકે છે.

દેશમાં ૭૦૦૦થી વધુ રેલવે સ્ટેશન છે. જેમાં એ, બી, સી, અને ડી શ્રેણીઓ છે. સમયાંતરે, રેલ્વેના વાણિજ્ય વિભાગ દ્વારા ભીડવાળા સ્ટેશનો પર આવા લોકો સામે કાર્યવાહી કરવામાં આવે છે. તેઓ દંડ વસૂલ કરે છે અને જો જરૂરી જણાય તો વ્યક્તિને આરપીએફને સોંપે છે. રેલવે નિષ્ણાતોનું કહેવું છે કે રેલવેનો આ નિયમ માત્ર શહેરોના ભીડવાળા સ્ટેશનો પર જ લાગુ છે. રેલવે અધિકારીઓ પોતે સ્વીકારે છે કે ગ્રામીણ વિસ્તારોમાં આવા ઘણા સ્ટેશનો છે, જ્યાં દિવસભર એક કે બે ટ્રેનો ઉભી રહે છે. આવા સ્ટેશનોમાં કોઈ હેતુ વગર આવા લોકોને રોકવું શક્ય નથી. શહેરોમાં ઘણા લોકો નજીકના સ્ટેશનો પર મોર્નિંગ વોક માટે પણ જાય છે.