ટાઈગર શ્રોફ અને કૃતિ સેનન સ્ટારર 'ગણપત'ની ચાહકો આતુરતાથી રાહ જોઈ રહ્યા હતા. આ ફિલ્મ ગઈ કાલે સિનેમાઘરોમાં પહોંચી ગઈ છે. મેગાસ્ટાર અમિતાભ બચ્ચને વિકાસ બહલ દ્વારા નિર્દેશિત ડિસ્ટોપિયન ફ્યુચરિસ્ટિક એક્શન ફિલ્મમાં પણ મહત્વની ભૂમિકા ભજવી છે. ફિલ્મની રિલીઝ પહેલા ખૂબ જ ધૂમ મચેલી હતી, જોકે ફિલ્મની શરૂઆત ઘણી નિરાશાજનક રહી હતી.

એક્શનથી ભરપૂર ફિલ્મ 'ગણપત'નું ટ્રેલર રિલીઝ થયું ત્યારથી જ ચાહકો તેની આતુરતાથી રાહ જોઈ રહ્યા હતા. જો કે, તેની રિલીઝના પહેલા જ દિવસે તમામ અપેક્ષાઓ પર પાણી ફરી વળ્યું હતું અને તેની પ્રથમ દિવસની કમાણી ખૂબ જ નિરાશાજનક હતી. 'ગણપત'ની રિલીઝના પહેલા દિવસની કમાણીના પ્રારંભિક આંકડા સામે આવ્યા છે.

રિપોર્ટ અનુસાર, 'ગણપત'એ તેની રિલીઝના પહેલા દિવસે માત્ર 2.50 કરોડ રૂપિયાનું કલેક્શન કર્યું છે. 'ગણપત' ટાઇગરના કરિયરની સૌથી ખરાબ ઓપનિંગ કરનારી ફિલ્મ બની છે. 'ગણપત'ની પહેલા દિવસની કમાણીથી બધાને મોટો આંચકો લાગ્યો છે. આ ફિલ્મ ટાઈગરના કરિયરની અત્યાર સુધીની સૌથી ઓછી ઓપનિંગ કરનારી ફિલ્મ છે. અગાઉ, અભિનેતાની તમામ ફિલ્મોનું ઓપનિંગ ડે કલેક્શન સારું હતું.


​​​​​​​અભિનેતાની છેલ્લી રિલીઝ ફિલ્મ 'હીરોપંતી 2'ની શરૂઆતના દિવસની કમાણી 6.50 કરોડ રૂપિયા હતી. જ્યારે 'બાગી 3'એ 17 કરોડની કમાણી કરી હતી. જ્યાં અભિનેતાની બ્લોકબસ્ટર ફિલ્મ 'વોર' એ પહેલા દિવસે 53.35 કરોડ રૂપિયાની કમાણી કરી હતી, તો 'સ્ટુડન્ટ ઑફ ધ યર 2'એ પણ 12.06 કરોડ રૂપિયાની કમાણી કરી હતી. અભિનેતાની બીજી ઘણી ફિલ્મોનું ઓપનિંગ ડે કલેક્શન પણ 'ગણપત' કરતાં વધુ છે. આવી સ્થિતિમાં હવે બધાની નજર વીકએન્ડ પર ટકેલી છે. શનિવાર અને રવિવાર સિવાય રામ નવમી અને દશેરાની રજાઓમાં ફિલ્મ કેટલું કલેક્શન કરી શકે છે તે જોવું રહ્યું.