જામનગરની બે મેડિકલ એજન્સીઓમાંથી આજે જામનગર મહાનગર પાલિકાની ફૂડ શાખા દ્વારા ન્યુટ્રીશિયન પાવડર અને મલ્ટી વિટામિન શીરપના નમુના લેવામાં આવ્યા હતાં.
​​​​​​​
જામનગર મહાનગરપાલિકાની ફૂડ શાખાના અધિકારી દશરથ પરમાર, એન.પી. જાસોલીયા અને તેની ટીમ દ્વારા આજે શ્રીજી મેડિકલ સ્ટોર્સમાંથી મલ્ટી વિટામીન અને મલ્ટી મીનરલ શિરપ (ઝીંકોવીન્ટ)નો નમુનો લેવામાં આવ્યો હતો, આ ઉપરાંત યુનિવર્સલ એજન્સીમાંથી ન્યુટ્રીશીયન પાવડર-પીડીયા શ્યોરનો નમુનો લેવામાં આવ્યો હતો અને બંને સેમ્પલને  પૃથ્થકરણ માટે લેબોરેટરીમાં મોકલવામાં આવ્યા હતાં. આમ ફુડ શાખાની ટીમ દ્વારા આજે બે મેડિકલ એજન્સીમાં નમુના લેવાની કામગીરી કરવામાં આવી હતી.