આરોપીએ પોતાને સિંગાપોર એરલાઈન્સનો પાઈલટ ગણાવ્યો હતો.

સેન્ટ્રલ ઈન્ડસ્ટ્રીયલ સિક્યોરિટી ફોર્સ (CISF) એ દિલ્હી એરપોર્ટ પર એક નકલી પાઈલટને પકડ્યો છે, જે પાઈલટનો યુનિફોર્મ પહેરીને એરપોર્ટની આસપાસ ફરતો હતો. CISFએ આરોપીને પકડીને દિલ્હી પોલીસને હવાલે કર્યો હતો. આ ઘટના ગઈ કાલે બની હતી. પાઇલટના યુનિફોર્મમાં એક વ્યક્તિ એરપોર્ટ સ્કાયવોક પાસે ચાલતો જોવા મળ્યો હતો. CISFને આ વ્યક્તિ પર શંકા ગઈ અને તેની પૂછપરછ કરી. પૂછપરછ દરમિયાન જાણવા મળ્યું કે તે પાઈલટ નથી. સીઆઈએસએફે આ મામલે દિલ્હી પોલીસને જાણ કરી અને પોલીસે તેને પકડી લીધો.

આરોપી યુપીનો રહેવાસી છે

આરોપી સિંગાપોર એરલાઈન્સમાં પાઈલટ તરીકે મુસાફરી કરી રહ્યો હતો. તેના ગળામાં આઈડી કાર્ડ પણ લટકાવેલું હતું. જેથી કોઈ તેના પર શંકા ન કરે. આરોપીની ઓળખ 24 વર્ષીય સંગીત સિંહ તરીકે થઈ છે, જે ગૌતમ બુદ્ધ નગરનો રહેવાસી છે.

​​​​​​​

તપાસમાં જાણવા મળ્યું કે આરોપીએ બિઝનેસ કાર્ડ મેકર એપનો ઉપયોગ કરીને સિંગાપોર એરલાઈન્સના પાઈલટનું નકલી આઈડી કાર્ડ બનાવ્યું હતું. તેણે દ્વારકા વિસ્તારમાંથી પાઈલટનો યુનિફોર્મ ખરીદ્યો હતો. તેણે 2020માં મુંબઈથી 1 વર્ષનો એવિએશન હોસ્પિટાલિટી કોર્સ કર્યો હતો. તે તેના પરિવાર સાથે પણ ખોટું બોલતો રહ્યો કે તે પાઇલટ છે.