જમ્મુ-કાશ્મીર અને લદ્દાખમાં ભૂકંપના આંચકા અનુભવાયા છે. રિક્ટર સ્કેલ પર તેની તીવ્રતા 5.5 માપવામાં આવી છે. નેશનલ સેન્ટર ફોર સિસ્મોલોજી અનુસાર, બપોરે 3:48 વાગ્યે આવેલા ભૂકંપનું કેન્દ્ર કારગીલમાં 10 કિલોમીટર ભૂગર્ભમાં હતું. તેના આંચકા કાશ્મીરમાં પણ અનુભવાયા હતા.


લદ્દાખમાં સાંજે 4:01 વાગ્યે આવેલા આ ભૂકંપની તીવ્રતા 3.8 માપવામાં આવી હતી. જમ્મુ-કાશ્મીરના કિશ્તવાડમાં સાંજે 4.01 કલાકે ભૂકંપના આંચકા અનુભવાયા હતા. રિક્ટર સ્કેલ પર તેની તીવ્રતા 4.8 માપવામાં આવી હતી. ત્યારબાદ સાંજે 4:18 કલાકે કિશ્તવાડમાં બીજો ભૂકંપ આવ્યો. તેની તીવ્રતા 3.6 હતી. આ પહેલા પાકિસ્તાનમાં સવારે 11.38 કલાકે 4.0ની તીવ્રતાનો ભૂકંપ આવ્યો હતો.

નેશનલ ડિઝાસ્ટર મેનેજમેન્ટ ઓથોરિટીએ લોકોને સલાહ આપી છે કે, આવી પરિસ્થિતિમાં ગભરાશો નહીં, શાંત રહો, ટેબલની નીચે જાઓ અથવા તમારા માથાને ઢાંકો. આ સિવાય ધ્રુજારીના આંચકા આવતા જ તરત જ બહાર નીકળી જાઓ અને લિફ્ટનો ઉપયોગ ન કરો.


બહાર આવ્યા પછી, થાંભલાઓ, ઇમારતો અને વૃક્ષોથી દૂર રહો. NDMAએ ભૂકંપ બાદ ક્ષતિગ્રસ્ત ઈમારતોમાં ન જવા જણાવ્યું હતું. આ ઉપરાંત, ભૂકંપની અસરથી બચવા માટે, તમારા ઘરની દિવાલો અને છતની સમયાંતરે સમારકામ કરાવો અને ઇમરજન્સી કીટ તૈયાર રાખવા અંગે પણ લોકોને માહિતી આપી છે.