રાજધાની દિલ્હીમાં બુધવારે સાંજે લગભગ 5 વાગ્યે ફરી એકવાર ભૂકંપના આંચકા અનુભવાયા છે. દિલ્હીમાં સતત બીજા દિવસે ભૂકંપના આંચકા અનુભવાયા છે. મંગળવારે રાત્રે 10.17 મિનિટે ભયાનક આંચકા પણ અનુભવાયા હતા. જોકે આજે ભૂકંપના હળવા આંચકા અનુભવાયા હતા. મંગળવારના ભૂકંપનું કેન્દ્ર અફઘાનિસ્તાનમાં હિંદુ કુશ ક્ષેત્ર હતું.

ભારતમાં દિલ્હી-એનસીઆર સિવાય હરિયાણા, ઉત્તર પ્રદેશ, પંજાબ, હિમાચલ પ્રદેશ, જમ્મુ-કાશ્મીર, મધ્ય પ્રદેશ, ઉત્તરાખંડમાં જોરદાર આંચકા અનુભવાયા હતા. લોકોને જાણ થતાં જ ઘરની બહાર નીકળી ગયા હતા. ભૂકંપના અન્ય આંચકાના ભયને કારણે અનેક લોકો મોડી રાત સુધી ઘરોની બહાર ખુલ્લામાં જ રહ્યા હતા.