કુલ ૩.૨૩ લાખ વાહનોની ખરીદી, ટુ-વ્હીલરના વેચાણમાં ૪૯.૫%નો વધારો, ફેડરેશન ઓફ ઓટોમોબાઈલ ડીલર્સ એસોસિએશન્સે જાહેર કાર્ય આંકડા

ફેડરેશન ઓફ ઓટોમોબાઈલ ડીલર્સ એસોસિએશન, ગુજરાતના ડેટા અનુસાર, ૪૨-દિવસીય તહેવારોની સિઝનમાં વાહનોના વેચાણમાં નોંધપાત્ર વધારો થયો છે, જેમાં નવરાત્રી-દિવાળીના સમયગાળા દરમિયાન ૩૭% વૃદ્ધિ નોંધાઈ હતી. ટુ-વ્હીલર્સ, પેસેન્જર કાર, કોમર્શિયલ વાહનો, ટ્રેક્ટર અને થ્રી વ્હીલર્સનો સમાવેશ કરીને કુલ વાહનોનું વેચાણ અગાઉના વર્ષની તહેવારોની સીઝનમાં ૨.૩૫ લાખથી વધીને આ વર્ષે ૩.૨૩ લાખ થઈ ગયું છે.

​​​​​​​
આ સમયગાળા દરમિયાન ટુ-વ્હીલરના વેચાણમાં ૪૯.૫%નો વધારો જોવા મળ્યો હતો, જ્યારે કારના વેચાણમાં ૨૯%નો વધારો થયો હતો. ફેડરેશન ઓફ ઓટોમોબાઈલ ડીલર્સ એસોસિએશન મુજબ આ વર્ષે તહેવારોની સિઝનમાં ઓટોમોબાઈલ રિટેલ વેચાણ રેકોર્ડ ઊંચા સ્તરે પહોંચ્યું છે.

મજબૂત માંગને કારણે, ભારતમાં ઓટોમોબાઈલ રિટેલ વેચાણ આ તહેવારની સિઝનમાં રેકોર્ડ ઊંચાઈએ પહોંચ્યું હતું, જેમાં ટ્રેક્ટરને બાદ કરતા તમામ સેગમેન્ટમાં વર્ષ-દર-વર્ષની વૃદ્ધિ નોંધાઈ હતી. આ વર્ષે ૪૨-દિવસના તહેવારોના સમયગાળામાં એકંદરે ઓટોમોબાઈલનું વેચાણ ૧૯% વધીને ૩૭,૯૩,૫૮૪ યુનિટ થયું છે. પેસેન્જર વ્હીકલનું છૂટક વેચાણ વધીને ૫,૪૭,૨૪૬ યુનિટ થયું છે, જે ગયા વર્ષની સરખામણીમાં ૧૦% વધારે છે. આ વર્ષે ટુ-વ્હીલરનું રજિસ્ટ્રેશન વાર્ષિક ધોરણે ૨૧% વધીને ૨૮,૯૩,૧૦૭ યુનિટ થયું છે. ૪૨-દિવસની વિન્ડોમાં વાણિજ્યિક વાહનોનું વેચાણ વાર્ષિક ધોરણે ૮% વધીને ૧,૨૩,૭૮૪ યુનિટ થયું છે. થ્રી-વ્હીલરનું રજીસ્ટ્રેશન ૪૧% વધીને ૧,૪૨,૮૭૫ યુનિટ થયું હતું.

તમિલનાડુમાં ૪૨-દિવસના તહેવારોના સમયગાળા દરમિયાન ઓટો રિટેલમાં ૧૨%નો વધારો નોંધાયો છે, જેમાં કુલ ૨૩૨,૨૬૨ વાહનોનું વેચાણ થયું હતું. રાજ્યમાં ટુ-વ્હીલરનું વેચાણ ૧૦%, થ્રી-વ્હીલરનું ૯૩.૫%, કાર અને એસયુવીનું વેચાણ ૨૦.૬% અને ટ્રેક્ટરનું ૧૯.૫% વધ્યું છે. રાષ્ટ્રીય સ્તરે, તહેવારોની સિઝન દરમિયાન ઓટો રિટેલ્સમાં ૧૯%નો ઉછાળો જોવા મળ્યો હતો. ગ્રામીણ  ક્ષેત્રે ટુ-વ્હીલરના વેચાણમાં વધારો થયો છે.

ભારતીય ઓટો ઉદ્યોગેમાં વેચાણમાં ૧૯% વધારો: ફાડા

ફેડરેશન ઓફ ઓટોમોબાઈલ ડીલર્સ એસોસિએશન્સ (ફાડા) અનુસાર, ભારતીય ઓટો ઉદ્યોગે ૨૦૨૩ના તહેવારોના સમયગાળામાં ૧૯ ટકાની વૃદ્ધિ જોવા મળી છે, જેમાં વાહનોનું વેચાણ ૩.૭૯૩ મિલિયન યુનિટ્સ સુધી પહોંચ્યું છે. ગયા વર્ષે ભારતીય ઓટો રિટેલ વેચાણ ૩.૧૯ મિલિયન યુનિટ નોંધાયું હતું. આ તહેવારોની સિઝનમાં ટુ-વ્હીલર, થ્રી-વ્હીલર, કોમર્શિયલ વાહનો અને પેસેન્જર વાહનોમાં નોંધપાત્ર વૃદ્ધિ જોવા મળી હતી, જેમાં અનુક્રમે ૨૧ ટકા, ૪૧ ટકા, ૮ ટકા અને ૧૦ ટકાનો વધારો જોવા મળ્યો હતો.