એક બ્યુટી એક્સપર્ટે એક સરળ મેકઅપ હેક જાહેર કર્યો છે જેનાથી વ્યક્તિ પોતાની ઉંમર કરતા 15 વર્ષ નાના દેખાઈ શકે છે.  તેણે 40 વર્ષથી વધુ ઉંમરની મહિલાઓ માટે 10 મિનિટની એન્ટી એજિંગ રૂટિન શેર કરી છે. એવા ઘણી પ્રોડક્ટ્સ છે જે ચહેરા પર વૃદ્ધત્વના ચિહ્નો દેખાવાથી અટકાવે છે. જેમાં મોઈશ્ચરાઈઝરથી લઈને બોટોક્સ સુધીની ઘણી વસ્તુઓનો સમાવેશ થાય છે પરંતુ 48 વર્ષની મેગન કહે છે કે વ્યક્તિને ફક્ત મેકઅપ કીટ અને ઉંમર કરતા નાના દેખાવાની કેટલીક જાણકારીની જરૂર છે જેનાથી તે સરળ રીતે યુવાન દેખાઈ શકે છે.

પોતાની ઉંમર કરતાં 15 વર્ષ નાની દેખાવા માટે મેગને કહ્યું કે જો કન્સીલર, કોન્ટૂર અને બ્લશનો યોગ્ય રીતે ઉપયોગ કરવામાં આવે તો કોઈપણ યુવાન દેખાઈ શકે છે. તેના યોગ્ય ઉપયોગથી કોઈપણ વ્યક્તિ એન્ટિ-એજિંગથી છુટકારો મેળવી શકે છે, પરંતુ જ્યારે મેકઅપ દૂર કરશો તો સામાન્ય જેવા જ દેખાશો.

મેગને જણાવ્યું કે ચહેરાની 6 જગ્યાઓ પર કન્સિલર લગાવવું જોઈએ. મોંની આજુબાજુ, હોઠની ઉપર અને નીચે, આંખના અંદરના અને બહારના ખૂણાની નીચે અને ભ્રમરની ઉપર જ મેરિયોનેટ રેખાઓ. આ પછી તેને નાના બ્લેન્ડર સ્પોન્જનો ઉપયોગ કરીને મિક્સ કરો.

આ પછી કોન્ટૂરિંગ મેકઅપનો ઉપયોગ કરીને ચહેરા પર કુદરતી ત્વચાના ટોન સાથે ડાર્ક શેડને કોન્ટૂર કરીને એક ભ્રમ બનાવવો પડશે. આ સાથે ચહેરાને આકાર આપવા માટે લાઇટ અને ડાર્ક શેડ્સનો ઉપયોગ કરવામાં આવે છે. તેને ગાલ, જો લાઈન, હેર લાઈન અને નાકની આજુબાજુ લગાડવી અને સારી રીતે બ્લેન્ડ કરવું.

આ પછી બ્લશ લગાવો અને તેને ફરીથી ગાલની ઉપર બ્લેન્ડ કરો. જાતે જ તફાવત જોઈ શકાય છે. કોઈપણ વ્યક્તિનો ચહેરો સંપૂર્ણપણે બદલાઈ જશે.