જીપીએસ ડેટ સાથે છેડછાડ કરી અટેકના લક્ષ્યને બદલાવી શકે છે જીપીએસ સ્પુફિંગ : હાલમાં ઈઝરાયેલે ઈરાન પર પણ અપનાવી હતી આ ટેકનિક 

ગ્લોબલ પોઝિશનિંગ સિસ્ટમ એટલે કે જીપીએસ નેવિગેશન સિગ્નલને રાતોરાત તેહરાન પર જામ કરીને ઈરાન પર હુમલો કરવા માટે ઈઝરાયેલ દ્વારા જે ટેક્નોલોજીનો ઉપયોગ કર્યો હતો તે જ ટેકનિકથી યુનાઈટેડ સ્ટેટ્સ (યુએસ) દ્વારા ભારતની અગાઉની સૈન્ય કામગીરીને અવરોધવામાં આવી હતી. 

યુ.એસ. સરકાર દ્વારા જાળવવામાં આવતી સ્પેસ-આધારિત નેવિગેશન સિસ્ટમ, જીપીએસ દ્વારા આપવામાં  આવેલ ડેટા સાથે છેડછાડ કરવી, સ્ક્રેમ્બલિંગ અથવા જામ કરી, વિરોધીની લશ્કરી કામગીરી અને તેની મિસાઇલો અને ડ્રોનની ચોકસાઈમાં ખલેલ પહોંચાડી શકે છે. 

બ્રિટિશ રાષ્ટ્રીય દૈનિક ટેબ્લોઇડ અખબાર ડેઇલી મિરરે અહેવાલ આપ્યો હતો કે શનિવારની રાત્રે ઇરાન દ્વારા ઇઝરાયેલ પરના પ્રથમ સીધા હુમલા પહેલા, ઇઝરાયેલી ગુપ્તચરોએ તેહરાનના મિસાઇલ લક્ષ્યાંક ટીમોને ગૂંચવવા માટે તેના પ્રદેશમાં જીપીએસ નેવિગેશન સિસ્ટમ સિગ્નલોને જામ કરી દીધા હતા.

એક ભારતીય રાષ્ટ્રીય દૈનિકના અહેવાલ મુજબ, લગભગ 25 વર્ષ પહેલા, જ્યારે પાકિસ્તાની સૈનિકોએ 1999માં ભારતમાં ઘૂસીને કારગીલમાં પોઝીશન લીધું હતું, ત્યારે ભારતીય સેનાએ આ વિસ્તાર માટે જીપીએસ ડેટા માંગ્યો હતો, જેને અમેરિકાએ નકારી કાઢ્યો હતો.

યુનાઇટેડ સ્ટેટ્સ નેવલ ઇન્સ્ટિટ્યૂટના 2021 લેખ મુજબ, યુએસ ડિપાર્ટમેન્ટ ઓફ ડિફેન્સ અને એર ફોર્સે શરૂઆતમાં સિલેક્ટિવ આવેલેબીલીટીનો ઉપયોગ કર્યો હતો. લેખમાં જણાવવામાં આવ્યું છે કે કારગિલ યુદ્ધ દરમિયાન યુએસએ આ ટેક્નોલોજીનો ઉપયોગ ભારતીય સૈન્ય માટે જીપીએસ અકયુરસીને ડીગ્રેડ કરવા માટે કર્યો હતો, જેનાથી ભારતીય કામગીરીમાં અવરોધ ઊભો થયો હતો. જેના પગલે ભારત અને અન્ય દેશો પોતાની નેવિગેશન સિસ્ટમ્સ વિકસાવવા માટે પ્રેરિત થયા હતા.

ભારતે ભારતીય અવકાશ સંશોધન સંસ્થા (ઇસરો) દ્વારા વિકસાવવામાં આવેલી ભારતીય નક્ષત્ર સાથે નેવિગેશન નામની એક સ્વતંત્ર સેટેલાઇટ નેવિગેશન સિસ્ટમનું નિર્માણ કર્યું. જે ભારતમાં ગમે ત્યાં અને ભારતની પ્રાદેશિક સીમાઓથી 1500 કિમી સુધી સચોટ અને સલામત  નેવિગેશન અને ટાઈમ લાઇન પૂરી પાડે છે. 

ડેઇલી મિરર અહેવાલ મુજબ સ્થાનિકોએ જણાવ્યું હતું કે તેમના જીપીએસએ તેમને કૈરો (ઇજિપ્ત) અથવા બેરૂત (લેબેનોન) માં બતાવ્યા હતા. આ મૂંઝવણનો હેતુ ઈરાનની મિસાઈલોને લક્ષ્યથી દૂર ફેંકવાનો હતો. ઈરાન દ્વારા શનિવારની રાત્રે ઈઝરાયેલ પર છોડવામાં આવેલા 300 થી વધુ ડ્રોન અને બેલિસ્ટિક અને ક્રુઝ મિસાઈલોમાંથી લગભગ તમામ તેમના લક્ષ્યોને મારવામાં નિષ્ફળ રહ્યા હતા, જેમાં 99 ટકા ઈઝરાયેલ, યુએસ, યુનાઈટેડ કિંગડમ (યુકે) અને જોર્ડન દ્વારા અટકાવવામાં આવ્યા હતા.