બાગેશ્વર ધામના બાબા પંડિત ધીરેન્દ્ર શાસ્ત્રી આમ તો ચર્ચામાં રહે છે પણ હવે બાબાના નામે વિવાદ પણ નોંધાયો છે. બાગેશ્વરધામના શાસ્ત્રી ધીરેન્દ્ર શાસ્ત્રીએ મહિલાઓને લઈને એવું નિવેદન આપ્યું છે, કે જેના પર મહિલા સંગઠનોએ વાંધો ઉઠાવ્યો છે. આઝાદ અધિકાર સેના નામના સંગઠનના રાષ્ટ્રીય મહાસચિવ નૂતન ઠાકુરે બાબા બાગેશ્વર ધામના વડા ધીરેન્દ્ર શાસ્ત્રીના આ નિવેદન સામે રાષ્ટ્રીય મહિલા આયોગને ફરિયાદ કરી છે. ગ્રેટર નોઈડામાં તેમની વાર્તા દરમિયાન, ધીરેન્દ્ર શાસ્ત્રીએ મહિલાઓના સિંદૂર અને મંગળસૂત્રનો ઉલ્લેખ કરીને તેમની તુલના ખાલી પ્લોટ સાથે કરી હતી.

સામાજિક કાર્યકર નૂતન ઠાકુરે આરોપ લગાવ્યો છે કે ગ્રેટર નોઈડામાં આયોજિત ભાગવત કથા દરમિયાન ધીરેન્દ્ર શાસ્ત્રીએ મહિલાઓ માટે અપશબ્દોનો ઉપયોગ કર્યો હતો, જેના કારણે ભારતની મહિલાઓ અપમાનિત થઈ રહી છે. તેમણે દાવો કર્યો હતો કે ધીરેન્દ્ર શાસ્ત્રીના નિવેદન બાદ સોશિયલ મીડિયા પર મીમ્સ બનાવીને મહિલાઓ માટે અભદ્ર ટિપ્પણીઓ કરવામાં આવી રહી છે.

નૂતન ઠાકુર કહે છે કે "ધીરેન્દ્ર શાસ્ત્રીએ ગ્રેટર નોઈડામાં તેમની કથા દરમિયાન કહ્યું હતું કે જે મહિલાઓના ગળામાં સિંદૂર અને મંગળસૂત્ર નથી, તો સમજીએ છીએ કે આ પ્લોટ હજુ પણ ખાલી છે." સ્ત્રીની સરખામણી આવી રીતે કરવી અયોગ્ય છે. તેમણે કહ્યું કે આ તથ્યોને ધ્યાનમાં લઈને રાષ્ટ્રીય મહિલા આયોગને તાત્કાલિક પગલાં લેવાની માંગ કરવામાં આવી છે.