જુનાગઢ તાલુકાના આંબલીયા ગામે સીમ વિસ્તારમાં ખેતરની ઓરડીમાં જુગારની કલબ ચાલતી હોવાની બાતમીને આધારે એલસીબીએ દરોડો પાડો હતો. નરોડા દરમિયાન બે મહિલા સહિત ૮ જુગારીઓ ૩.૫૧ લાખના મુદ્દામાલ સાથે ઝડપાયા હતા દરોડા દરમિયાન ત્રણ હાથ ન આવતા તેને ઝડપી લેવા વધુ કાર્યવાહી હાથ ધરી છે.
આ અંગે પ્રા વિગત મુજબ એલસીબી પીઆઇ પટેલ સહિતની ટીમે આંબલીયા ગામની પાવટી તરફના રસ્તે આવેલી સીમ વિસ્તારમાં ખેતરની ઓરડીમાં હિમાંશુ દિનેશભાઈ અઢિયા તથા ઈશા અલારખા સાંધ જુગારની કલબ ચલાવતા હોવાની બાતમી મળી હતી. નરોડામાં પોલીસે ગીરીશભાઈ ઉર્ફે અશ્વિનભાઈ રાબડીયા(આંબલીયા), હિમાંશુ દિનેશભાઈ અઢિયા(જુનાગઢ), રામભાઈ શામળા(કેશોદ), કરસનભાઈ રામ(માંગરોળ), મયુરભાઈ મકવાણા (જુનાગઢ), અમિતભાઈ જોશી (રાજકોટ), સરોજબેન સુરેશભાઈ રાવલ (રાજકોટ), મુમતાઝબેન રફિકભાઈ મેડમ (જુનાગઢ ધોરાજી રોડ)ને રોકડ, આઠ મોબાઇલ, ૫ મોટરસાયકલ મળી કુલ ૩.૫૧ લાખના મુદ્દામાલ સાથે ઝડપી લીધા હતા.
દરોડા દરમ્યાન સેબાજ, રણમલ કરસન ચાંદેલા અને ઈશા અલારખા સાંધ હાથ ન આવતા ઝડપી લેવા વધુ કાર્યવાહી હાથ ધરી છે