તારક મહેતા કા ઉલ્ટા ચશ્મા શોનું દરેક પાત્ર દરેક ઘરમાં ફેમસ છે. આ શોને પણ ઘણો પસંદ કરવામાં આવ્યો છે અને વર્ષોથી આ શો ટીવી પર દરેકના દિલ જીતી રહ્યો છે. જો કે છેલ્લા કેટલાક સમયથી ઘણા જૂના કલાકારોએ શો છોડી દીધો છે. શોમાં બે વાર ટપ્પુ બદલાયા છે, આ ઉપરાંત સોનુંની પણ 2 વાર બદલી થઈ ચૂકી છે, પરંતુ હવે આ ટપ્પુ સેનાના અન્ય એક અભિનેતાના શો છોડવાના સમાચાર આવી રહ્યા છે, જે ચાહકો માટે મોટો આંચકો હશે.

ગોલીનું પાત્ર કુશ શાહ ભજવી રહ્યો છે. હાલમાં જ એક ફેને કુશ સાથેનો એક ફોટો સોશિયલ મીડિયા પર શેર કર્યો છે. ફોટો શેર કરીને ફેન્સે જણાવ્યું કે તે કુશને ન્યૂયોર્કમાં મળ્યો હતો. ચાહકે જણાવ્યું કે કુશે તેને કહ્યું કે તેણે શો છોડી દીધો છે અને ન્યૂયોર્કમાં તેનો અભ્યાસ પૂરો કરશે. આ પોસ્ટ વાયરલ થયા બાદ ચાહકો ખૂબ જ દુઃખી થઈ ગયા છે. કોઈ કોમેન્ટ કરી રહ્યું છે કે તેઓ નાનપણથી આ શોમાં ગોલીને જોતા આવ્યા છે અને તેને અહીં મોટા થતા જોયા છે, જો તે પણ જશે તો મજા નહીં આવે. જ્યારે એકે લખ્યું કે ગોલીનો રોલ કુશથી વધુ સારી રીતે કોઈ નિભાવી શકે નહીં. 

જો કે, આ પોસ્ટ વાયરલ થયા બાદ તે યુઝરે પોસ્ટ ડિલીટ કરી દીધી હતી. કુશ શો છોડી રહ્યો છે તે વાત સાચી છે કે નહીં તે તો કુશ પોતે અને શોના નિર્માતા જ કહી શકે છે. જો કે, ચાહકો ઈચ્છી રહ્યા છે કે કુશ શોમાંથી બહાર ન જાય કારણ કે તેના વગર મજા નહીં આવે.