@teamaajkaal
​​​​​​​અજય દેવગન અને તબુ સ્ટારર ફિલ્મ 'ભોલા'એ આખરે વૈશ્વિક બોક્સ ઓફિસ પર 100 કરોડનો આંકડો પાર કરી લીધો છે. આ માઈલસ્ટોન પાર કરવામાં ફિલ્મે 17 દિવસનો સમય લીધો હતો.

16મા દિવસની કમાણીની વાત કરીએ તો ત્રીજા શુક્રવારે અજય દેવગનની ફિલ્મ ભોલાએ ઘરેલુ બોક્સ ઓફિસ પર 1.80 કરોડ રૂપિયાનો બિઝનેસ કર્યો છે. આ સાથે જ ફિલ્મની કુલ કમાણી હવે 80.29 કરોડ રૂપિયા થઈ ગઈ છે. જ્યારે ભોલાનું વર્લ્ડ વાઈડ કલેક્શન 101.50 કરોડ રૂપિયા છે.

'પઠાણ' એ વૈશ્વિક સ્તરે 1000 કરોડ રૂપિયાથી વધુની કમાણી કરી છે, જ્યારે રણબીર કપૂર અને શ્રદ્ધા કપૂર સ્ટારર રોમેન્ટિક કોમેડી 'તુ જૂઠી મેં મક્કાર' એ વિશ્વભરમાં 200 કરોડથી વધુની કમાણી કરી છે.

'ભોલા'ની વાત કરીએ તો અજય દેવગનના નિર્દેશનમાં બનેલી આ ચોથી ફિલ્મ છે. સુપરસ્ટારે 2008ના રોમેન્ટિક ડ્રામા 'યુ મી ઔર હમ'થી દિગ્દર્શક તરીકેની શરૂઆત કરી હતી. આ ફિલ્મમાં અજયે તેની અભિનેત્રી પત્ની કાજોલ સાથે કામ કર્યું હતું. આઠ વર્ષ પછી, તે તેની આગામી દિગ્દર્શક ફિલ્મ 'શિવાય' સાથે પાછો ફર્યો જે 2016માં રિલીઝ થયેલી એક્શન-થ્રિલર હતી. છ વર્ષના અંતરાલ પછી, વર્ષ 2022 માં, તેણે 'રનવે 34'નું નિર્દેશન કર્યું. અજયની છેલ્લી ફિલ્મ 'ભોલા' છે.

ભોલામાં અજય દેવગન અને તબ્બુ ઉપરાંત દીપક ડોબરિયાલ, સંજય મિશ્રા, અમલા પોલ અને ગજરાજ રાવ સહિતના ઘણા કલાકારોએ અદભૂત અભિનય કર્યો છે. આ ફિલ્મ 2019માં રિલીઝ થયેલી તમિલ ફિલ્મ 'કૈથી'ની સત્તાવાર હિન્દી રિમેક છે.