PM મોદીએ સોશિયલ મીડિયા પ્લેટફોર્મ X પર પોસ્ટ દ્વારા મિશન દિવ્યસ્ત્ર માટે DRDO વૈજ્ઞાનિકોને અભિનંદન પાઠવ્યા છે. તેમણે અગ્નિ મિશન વિશે લખ્યું, ડીઆરડીઓના વૈજ્ઞાનિકો પર મને ગર્વ છે. મલ્ટીપલ ઈન્ડિપેન્ડન્ટલી ટાર્ગેટેબલ રી-એન્ટ્રી વ્હીકલ ટેકનોલોજી સાથે સ્વદેશી રીતે વિકસિત અગ્નિ-5 મિસાઈલનું સફળતાપૂર્વક પરીક્ષણ કરવામાં આવ્યું છે.

અગ્નિ-5 મિસાઈલનું વજન 50 હજાર કિલોગ્રામ છે. તે 17.5 મીટર લાંબી છે. તેનો વ્યાસ 2 મીટર એટલે કે 6.7 ફૂટ છે. તેના પર 1500 કિલોગ્રામ વજનનું પરમાણુ હથિયાર લગાવી શકાય છે. આ મિસાઈલમાં ત્રણ સ્ટેજ રોકેટ બૂસ્ટર છે જે ઘન ઈંધણ પર ઉડે છે. તેની ઝડપ અવાજની ગતિ કરતા પણ 24 ગણી વધારે છે. એટલે કે તે એક સેકન્ડમાં 8.16 કિલોમીટરનું અંતર કાપે છે. અગ્નિ-5 મિસાઈલ 29,401 કિલોમીટર પ્રતિ કલાકની ઝડપે દુશ્મન પર હુમલો કરે છે. તે રીંગ લેસર ગાયરોસ્કોપ ઇનર્શિયલ નેવિગેશન સિસ્ટમ, જીપીએસ, નેવીઆઈસી સેટેલાઇટ ગાઇડન્સ સિસ્ટમથી સજ્જ છે. અગ્નિ-5 મિસાઈલ ચોકસાઈ સાથે લક્ષ્ય પર હુમલો કરે છે. જો લક્ષ્ય 10 થી 80 મીટર દૂર પણ તેની જગ્યાએથી ખસી જાય તો તેનાથી બચવું મુશ્કેલ છે.

વૈજ્ઞાનિક એમ. નટરાજને સૌપ્રથમવાર 2007માં આ મિસાઈલની યોજના બનાવી હતી. મોબાઈલ લોન્ચરનો ઉપયોગ અગ્નિ-5 મિસાઈલ કરવા માટે થાય છે. તેને ટ્રકમાં ભરીને કોઈપણ જગ્યાએ લઈ જઈ શકાય છે. 50 હજાર કિલોની અગ્નિ-5 મિસાઈલને 200 ગ્રામ કંટ્રોલ અને ગાઈડન્સ સિસ્ટમ દ્વારા નિયંત્રિત કરવામાં આવે છે. તે આ મિસાઈલ પર જ સ્થાપિત છે. તેને ઓન-બોર્ડ કોમ્પ્યુટર આધારિત સિસ્ટમ ઓન ચિપ (SOC) કહેવામાં આવે છે. MIRV ટેક્નોલોજી એટલે કે મિસાઈલના નાક પર બેથી 10 હથિયારો ફીટ કરી શકાય છે. એટલે કે એક જ મિસાઈલ એક સાથે અનેક સો કિલોમીટરમાં ફેલાયેલા 2 થી 10 જુદા જુદા ટાર્ગેટને નિશાન બનાવી શકે છે.

અગ્નિ-5 મિસાઈલ (Agni-V ICBM)નું પ્રથમ સફળ પરીક્ષણ 19 એપ્રિલ 2012ના રોજ થયું હતું. તે પછી, 15 સપ્ટેમ્બર 2013, 31 જાન્યુઆરી 2015, 26 ડિસેમ્બર 2016, 18 જાન્યુઆરી 2018, 3 જૂન 2018 અને 10 ડિસેમ્બર 2018 ના રોજ સફળ પરીક્ષણો હાથ ધરવામાં આવ્યા હતા. અગ્નિ-5 મિસાઈલના અડધા ડઝનથી વધુ સફળ પરીક્ષણો કરવામાં આવ્યા છે. આ પરીક્ષણોમાં મિસાઈલનું વિવિધ માપદંડો પર પરીક્ષણ કરવામાં આવ્યું હતું. જેમાં ખુલાસો થયો હતો કે આ મિસાઈલ દુશ્મનને નષ્ટ કરવા માટે એક ઉત્તમ હથિયાર છે.