વિદેશમાં અભ્યાસ કરીને પરત ફરતા ભારતીય વિદ્યાર્થીઓને દેશમાં નોકરી મેળવવા માટે મુશ્કેલીનો સામનો કરવો પડી રહ્યો છે. જેમાં માત્ર 22 ટકા વિદ્યાર્થીઓને જ દેશમાં રોજગાર મળે છે.


શિક્ષણ મંત્રાલય અનુસાર 2022માં 7.70 લાખથી વધુ ભારતીય વિદ્યાર્થી અભ્યાસ માટે વિદેશ ગયા હતા. આ આંકડા છ વર્ષના સૌથી વધુ આંકડા છે. જયારે 2015થી 2019 વચ્ચે વિદેશમાં અભ્યાસ કરનારાઓમાંથી માત્ર 22 ટકાને જ નોકરી મળી હતી તેમ છતાં પણ વિદેશમાં અભ્યાસ માટેનો ઉત્સાહ ઓછો થઈ રહ્યો નથી. કેનેડાના એજ્યુકેશન ફર્મ એમ સ્કવેર મીડિયા અનુસાર ભારતમાં વિદેશી ડિગ્રી અને ડિપ્લોની માન્યતાનો અભાવ છે. આ સ્થિતિમાં સ્થાનિક યોગ્યતા તેમજ અનુભવ મેળવેલા એમ્પ્લોયને પ્રાથમિકતા આપવામાં આવે છે.

સંસદમાં ઉપલબ્ધ થયેલા આંકડા અનુસાર મોટાભાગના ભારતીય વિદ્યાર્થીઓ ડિગ્રી કોર્સ માટે કેનેડા, અમેરિકા અને બ્રિટનને પસંદ કરે છે આ આંકડા અનુસાર 2022માં 2,26,450 ભારતીય વિદ્યાર્થી કેનેડામાં અભ્યાસ માટે ગયા હતા.
વિદેશ અભ્યાસ કયર્િ બાદ ભારતમાં નોકરી ન મળવાના મુખ્ય કારણોમાં દેશમાં વિદેશી ડિગ્રીની માન્યતાનો અભાવ, ભાષાની મુશ્કેલી અને સ્થાનિક નેટવર્કનો અભાવ વધુ અસર કરે છે જેના કારણે યુવાનોને નોકરી પ્રાપ્ત કરવામાં મુશ્કેલીનો સામનો કરવો પડે છે.