મહિલા ઈન્ડિયન પ્રીમિયર લીગનું નામ હાલ બદલવામાં આવ્યું છે. ભારતીય ક્રિકેટ કંટ્રોલ બોર્ડના પ્રમુખ જય શાહે જણાવ્યું કે તેનું નામ મહિલા પ્રીમિયર લીગ રાખવામાં આવ્યું છે. આમાં કુલ 5 ટીમો રમશે. જેમાં અમદાવાદ, મુંબઈ, બેંગ્લોર, દિલ્હી અને લખનૌનો સમાવેશ કરવામાં આવ્યો છે. આ ટીમોને ખરીદવા માટે ઘણી મોટી કંપનીઓએ દાવ લગાવ્યો હતો. અદાણી ગ્રુપે અમદાવાદની ટીમ ખરીદી છે. જ્યારે રોયલ ચેલેન્જર્સ બેંગ્લોરે બેંગ્લોરની ટીમ ખરીદી લીધી છે. કંપનીઓએ આ ટીમો માટે મોટી રકમ ચૂકવી છે.

પાંચ કંપનીઓ મહિલા પ્રીમિયર લીગની ટીમો ખરીદવામાં સફળ રહી હતી. અદાણી સ્પોર્ટ્સ લાઇન પ્રાઇવેટ લિમિટેડે અમદાવાદને રૂ. 1289 કરોડમાં ખરીદ્યું છે. જ્યારે ઈન્ડિયા વિન સ્પોર્ટ્સ પ્રાઈવેટ લિમિટેડે મુંબઈને 912.99 કરોડ રૂપિયામાં ખરીદ્યું છે. મહિલા IPLની ત્રીજી ટીમ બેંગ્લોર છે. તેને રોયલ ચેલેન્જર્સ સ્પોર્ટ્સ પ્રાઈવેટ લિમિટેડ બેંગ્લોરે રૂ. 901 કરોડમાં ખરીદ્યો છે. જયારે દિલ્હીને JSW GMR ક્રિકેટ પ્રાઇવેટ લિમિટેડે રૂ. 810 કરોડમાં ખરીદ્યું છે. કપરી ગ્લોબલ હોલ્ડિંગ્સે લખનૌની મહિલા ટીમને ખરીદી લીધી છે. તેણે 757 કરોડ રૂપિયાનો ખર્ચ કર્યો છે.