અમદાવાદ શહેર મહિલા પોલીસ સ્ટેશનના દુષ્કર્મ અને પોકસોના ગુનામાં ફરાર આરોપીને એક બાતમીના આધારે જામનગર તાલુકાના પસાયા બેરાજા ખાતેથી પેરોલ ફર્લો સ્કવોડે દબોચી લીધો હતો.


રાજકોટ રેન્જ આઇજી અશોકકુમાર યાદવએ નાસતા ફરતા આરોપીઓને શોધી કાઢવા અંગેની ડ્રાઇવનું આયોજન કરેલ હોય, જેથી જામનગર જીલ્લા પોલીસવડા પ્રેમસુખ ડેલુએ એલસીબીને સુચના કરતા પીઆઇ જે.વી. ચૌધરીના માર્ગદર્શન મુજબ પેરોલ ફર્લો સ્કવોડના પીએસઆઇ એલ.જે. મિયાત્રા સ્ટાફના માણસો જામનગર શહેર તથા ગ્રામ્ય વિસ્તારમાં પેટ્રોલીંગમાં હતા.

​​​​​​​દરમ્યાન સ્ટાફના ધર્મેન્દ્રસિંહ વૈષ્ણવ, ગજેન્દ્રસિંહ જાડેજા, લખધીરસિંહ જાડેજા તથા કરણસિંહ જાડેજા, રણજીતસિંહ પરમારને બાતમી મળેલ કે મહિલા પોલીસસ્ટેશનના કલમ ૩૭૦, ૩૭૦-એ, ૩૭૬(૩) મુજબના ગુનામાં પોલીસને થાપ આપી નાસતો ફરતો આરોપી રાજુ વલ્લભ કુનડીયા રહે. બેરાજા (પસાયા)  જામનગર વાળો ત્યાં હાજર હોય જેથી તપાસ કરતા આરોપી મળી આવતા તેને પકડી પાડી આગળની કાર્યવાહી માટે અમદાવાદ શહેર મહિલા પોલીસ સ્ટેશનને જાણ કરી પંચ-એ ડીવીઝન પોલીસ ખાતે સોપી આપ્યો હતો.