વાયગ્રાને સામાન્ય રીતે પુરૂષોની નબળાઈની દવા માનવામાં આવે છે. પણ માત્ર એક વાયગ્રાની ગોળી લેવાથી ઈરાનના એક યુવકની આંખોની રોશની પર અસર થઈ છે. આ યુવકની ઉંમર 32 વર્ષની હોવાનું જાણવા મળે છે. તેણે વાયગ્રાની નાની 'બ્લુ પિલ' લીધી હતી, જે કોઈપણ મેડિકલ સ્ટોરમાં ડૉક્ટરના પ્રિસ્ક્રિપ્શન વિના સરળતાથી મળી જાય છે. આ વાયગ્રાની ગોળીમાં સિલ્ડેનાફિલની વિપુલ માત્રા હતી.

અહેવાલ મુજબ, વાયગ્રાની માત્ર એક ટેબ્લેટનું સેવન કર્યા પછી દવાએ તેની પ્રતિકૂળ અસરો બતાવવાનું શરૂ કર્યું. ડોક્ટરોએ પીડિત યુવકની આંખોની રોશની ઠીક કરવાનો ખૂબ પ્રયાસ કર્યો, પરંતુ તેઓ સફળ થઈ શક્યા નહીં કારણ કે તેની જમણી આંખ ખરાબ રીતે ડેમેજ થઈ ગઈ હતી.

ઈરાનની રાજધાની તેહરાનના એક ડોક્ટરે એક પ્રતિષ્ઠિત મેગેઝીનને તે અજાણ્યા વ્યક્તિના કેસ વિશે જણાવ્યું છે. તેમણે કહ્યું કે આ સૌથી મજબૂત પુરાવો છે કે દવા લેવાથી આંખોને નુકસાન થઈ શકે છે.

સિલ્ડેનાફિલ રક્ત વાહિનીઓમાં રક્ત પ્રવાહ વધારે છે. એવું માનવામાં આવે છે કે આ અસર અમુક સંજોગોમાં અજાણતામાં શરીરના અન્ય સંવેદનશીલ અંગોને નુકસાન પહોંચાડી શકે છે, જેમ કે આંખો. આ કિસ્સામાં, 100mgની ગોળી જીવલેણ સાબિત થઈ. તેનો અર્થ એ કે સિલ્ડેનાફિલ લીધાના ત્રણ કલાક પછી વ્યક્તિએ તેની દૃષ્ટિ ગુમાવી દીધી.

આ દવાની મહત્તમ માત્રા હતી અને મોટા ભાગના પુરૂષો જે ઇરેક્ટાઇલ ડિસફંક્શન માટે દવા લે છે તેમના માટે ભલામણ કરેલ ડોઝ કરતાં બમણી છે. આંખોની રોશની ગુમાવ્યા પછી, તે વ્યક્તિ હોસ્પિટલમાં ગયો અને ડૉક્ટરોને કહ્યું કે તેણે સિલ્ડેનાફિલ લીધું છે.

ભારતમાં પણ ઘણા લોકો ડૉક્ટરની સલાહ લીધા વિના આડેધડ તેનું સેવન કરે છે. આ ઘટના એ લોકો માટે મોટો બોધપાઠ છે. વાસ્તવમાં, દરેક વ્યક્તિની શારીરિક ક્ષમતા અથવા રોગપ્રતિકારક શક્તિ અલગ અલગ હોય છે. આવી સ્થિતિમાં આવી ગોળીઓ પૂછ્યા વગર ન લેવી જોઈએ.