અમરેલી જિલ્લાના ચિતલ શહેરમાં આવેલ લાતી બજારમાં આગની ઘટના સામે આવી હતી અચાનક જ આગ લાગવાને કારણે દોડધામ મચી ગઈ હતી.આ અંગે અમરેલી ફાયર ફાઈટરની ટીમ ઘટના સ્થળ પર દોડી ગઈ હતી અને આગ પર કાબુ મેળવવામાં આવ્યો હતો.
​​​​​​​
ચિતલ શહેરમાં આવેલ લાતી બજારની એક સાથે ત્રણ લાકડાના ગોડાઉનમાં આગ લાગવાનો બનાવ બન્યો હતો.જેને લઈને ભારે આગ ભભૂકી ઉઠી હતી.આ બનાવને પગલે અફરા તફરીનો માહોલ સર્જાયો હતો.આ અંગે અમરેલી ફાયર વિભાગની ટીમને જાણ કરવામાં આવતા તાત્કાલિક ધોરણે ફાયરના બે બાઉઝર સાથે પહોંચી આગ પર કાબુ મેળવવાની કામગીરી હાથ ધરવામાં આવી હતી.આગ લાગવાને કારણે એક ગોડાઉનની છત પણ ધરાશાયી થઇ હતી.જોકે કોઈ જાનહાનિ થઇ ન હતી.ભારે જહેમત બાદ આગ પર કાબુ મેળવવામાં આવ્યો હતો.
.આ બનાવને લઈને તપાસ બાદ વધુ વિગતો સામે.આવશે તેમજ આ આગ લાગવાનું કારણ હજુ સુધી અંકબંધ છે,