સારા જીવનની આશાએ ૯ મહિનાના બાળકને સાથે લઇ માતાની જોખમી મુસાફરી
ફ્રાંસમાં રોકાયેલી ડંકી ફ્લાઈટમાં માતા પિતા વગરનું બાળક મળી આવ્યું હતું. જેને લઈ ગુજરાત પોલીસે બાળકના માતા પિતાને શોધવા તપાસ શરુ કરી છે. પોલીસે આ બાબતને માનવ તસ્કરી સમજી તે દિશામાં તપાસ શરૂ કરી હતી. જો કે હવે ગુજરાતના બે વર્ષના બાળક વિશે પોલીસે કેટલીક વિગતો જાહેર કરી છે, તેમના મુજબ બાળક અને તેના પરિવારને શોધી કાઢવામાં આવ્યા છે, તે તેના પિતા સાથે મુસાફરી કરી રહ્યો હતો. આ સિવાય, નવ મહિનાનું બાળક પણ તેની માતા સાથે ફ્લાઈટમાં હતું.
ગુજરાતના ૯૬ સહિત ૩૦૩ મુસાફરો સાથેની ફ્લાઇટને ફ્રેન્ચ સત્તાવાળાઓ દ્વારા ૨૧ ડિસેમ્બરે માનવ દાણચોરીની શંકાને કારણે વર્ટીમાં ગ્રાઉન્ડ કરવામાં આવી હતી. બંને બાળકોની તબિયત સારી છે, સિઆઇડી (ક્રાઈમ)ના એક વરિષ્ઠ અધિકારીએ ઉમેર્યું હતું કે, "અમે તેમના પ્રવાસ અંગે તેમના માતા-પિતાના નિવેદનો નોંધ્યા છે. તેમના માતા-પિતાએ કહ્યું કે તેઓએ બાળકોને સાથે લઈ જવાનું જોખમ લીધું કારણ કે તેઓ તેમના માટે યુ.એસ.માં વધુ સારું જીવન ઈચ્છે છે, ખતરનાક મુસાફરી છતાં, મોટાભાગના માતાપિતાને લાગે છે કે કે યુ.એસ.થી મેક્સિકોના ગેરકાયદેસર માર્ગ ડંકી વે પર પણ જો બાળકો તેમની સાથે હશે તો સુરક્ષિત રહેશે.
ઉપરાંત, ઉત્તર ગુજરાતના માનવ તસ્કરો વારંવાર ગેરકાયદેસર વસાહતીઓને નાના બાળકોને તેમની સાથે રાખવાની સલાહ આપે છે કારણ કે આ યુ.એસ.માં આશ્રયની સુવિધા આપે છે.
એક સ્થાનિક સ્ત્રોતે ખુલાસો કર્યો છે કે ગુજરાતના મહેસાણા અને ગાંધીનગરના એજન્ટો ગેરકાયદેસર સ્થળાંતરની સુવિધા આપતાં અવારનવાર નકલી કુટુંબો બનાવે છે, જેમાં અસંબંધિત લોકો કોઈ બીજાના બાળકોને લઈ જતા યુગલો બને છે. સીઆઈડી (ક્રાઈમ) એ આ કેસમાં ઉત્તર ગુજરાતના નવ એજન્ટોને શોધ્યા છે જેમને હજુ સુધી પકડવાના બાકી છે. તેમણે વધુમાં જણાવ્યું હતું કે, “અત્યાર સુધી, અમને આ કેસમાં પંજાબ અથવા દિલ્હીના એજન્ટોની કોઈ સંડોવણી મળી નથી. અમે હજુ એ ચકાસવાનું બાકી છે કે તે મુસાફરો પાસે અસલી પાસપોર્ટ હતા કે બનાવટી.”
ઓક્ટોબર માસમાં યુએસ, મેક્સિકો અને કેનેડા સરહદ પર તરછોડાયા ૧૫૬ ભારતીય બાળકો
યુએસ કસ્ટમ્સ અને બોર્ડર પ્રોટેક્શન ડેટામાં એક ચોકાવનારો ખુલાસો થયો છે, જેમાં ૨૦૨૦ અને ૨૦૨૩ ની વચ્ચે યુએસ સરહદો પર ત્યજી દેવાયેલા ૭૩૦ ભારતીય બાળકો સાથે મળી આવ્યા હતા, જે ૨૦૨૦ ની સરખામણીમાં નોંધપાત્ર ૨૩૩% વધારો દર્શાવે છે. આમાંના મોટાભાગના બાળકો ૧૦ થી ૧૪ વર્ષની વચ્ચેના છે, પરંતુ ત્યાં સૌથી વધુ ત્યજી દેવામાં આવ્યા હોય તો તે ચાર વર્ષથી નાના બાળકો છે. એકલા ઓક્ટોબર ૨૦૨૩ માં, ૭૮ બાળકો યુએસ સરહદો પર, ૭૩ મેક્સિકો સરહદ પર, અને ૫ કેનેડા સરહદ પર મળી આવ્યા હતા.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationઆતિશી ક્યારે લેશે મુખ્યમંત્રી તરીકે શપથ? નક્કી થઇ ગઈ તારીખ
September 19, 2024 01:38 PMઆરાધ્યા બચ્ચને શિવ રાજકુમારના ચરણસ્પર્શ કરી સંસ્કૃતિ ઉજાળી
September 19, 2024 12:48 PMહેમા અને સંજીવનો એક પણ સીન સાથે આવવો ન જોઈએ
September 19, 2024 12:42 PMપ્રેમ સંબંધને બચાવવા લીધો બ્લેક મેજિકનો સહારો
September 19, 2024 12:39 PMસોરી..આ સ્ટેજ મારું મંદિર છે, અહી ફૂડ ન રાખો
September 19, 2024 12:35 PMCopyright © 2023-2024 Aajkaal Daily
Developed by Rhythm Infotech