ભારતીય ક્રિકેટ ટીમ માટે હાલમાં સમય ખરાબ ચાલી રહ્યો છે. ચાહકો પણ ટીમના પ્રદર્શનથી નિરાશ થયા છે. ત્યારે બોર્ડર-ગાવસ્કર ટ્રોફીમાં હાર્યા બાદ કેટલાક ક્રિકેટરોની ટીકા કરી રહ્યા છે. હવે ભૂતપૂર્વ ભારતીય ક્રિકેટર યુવરાજ સિંહે વિરાટ કોહલી અને રોહિત શર્માના ખરાબ પ્રદર્શન છતાં તેમને સમર્થન આપ્યું છે.
બોર્ડર-ગાવસ્કર ટ્રોફીમાં ઓસ્ટ્રેલિયા સામે 3-1થી મળેલી હાર અને તે પહેલા ન્યૂઝીલેન્ડ દ્વારા હોમ સિરીઝમાં 0-3થી ક્લીન સ્વીપ ભારતીય ખેલાડીઓ માટે દુઃસ્વપ્ન સમાન છે. તેણે વિરાટ-રોહિત અને આખી ટીમ ઈન્ડિયાને પણ પોતાનો પરિવાર ગણાવ્યો છે.
કોહલી-રોહિતે ઘણું કર્યું
યુવરાજ સિંહે ટીમ ઈન્ડિયાના વખાણ કરતા કહ્યું કે તેણે ક્યારેય કોઈ ટીમને ઓસ્ટ્રેલિયામાં સતત બે સીરીઝ જીતતી જોઈ નથી. આ ભારતની મોટી ઉપલબ્ધિ છે. યુવરાજે કહ્યું કે આ દિવસોમાં લોકો વિરાટ કોહલી અને રોહિત શર્માની ટીકા કરી રહ્યા છે. લોકો ભૂલી જાય છે કે તેમણે ઈતિહાસમાં કઈ સિદ્ધિઓ હાંસલ કરી છે. તેઓ વર્તમાન સમયના બે મહાન ક્રિકેટર છે. હારવું એ રમતનો એક ભાગ છે અને તે હોવું જોઈએ. મને ખાતરી છે કે ટીમ ઈન્ડિયા જોરદાર વાપસી કરશે.
રોહિત-વિરાટ મારો પરિવાર...
યુવરાજ સિંહને પૂછવામાં આવ્યું કે ભારતીય ટીમમાં શું ફેરફાર કરવા જોઈએ. આ અંગે તેણે કહ્યું હતું કે પહેલી વાત તો એ કે હું આ ન કરી શકું. હું હંમેશા ક્રિકેટનો વિદ્યાર્થી રહ્યો છું. વિરાટ કોહલી, રોહિત શર્મા અને ગૌતમ ગંભીર મારા કરતા વધુ ક્રિકેટ રમ્યા છે. હું મારો અભિપ્રાય આપી શકું અને મારો અભિપ્રાય છે કે જ્યારે કોઈ ખેલાડી સારો દેખાવ ન કરે, ત્યારે તેની ટીકા કરવી ખૂબ જ સરળ છે પરંતુ તેને ટેકો આપવો ખૂબ મુશ્કેલ છે.
યુવરાજ સિંહે કહ્યું કે ખરાબ પ્રદર્શન માટે ખેલાડીઓને ટાર્ગેટ કરવાનું મીડિયાનું કામ છે પરંતુ ભારતના દિગ્ગજ ઓલરાઉન્ડરે કહ્યું કે તેનું કામ તેના મિત્રો અને ભાઈઓને ટેકો આપવાનું છે. યુવરાજે સ્પષ્ટ કહ્યું કે રોહિત, વિરાટ અને ટીમ ઈન્ડિયાના અન્ય ખેલાડીઓ તેમના માટે પરિવાર જેવા છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકેશોદ-મુંબઈ વિમાની સેવા બંધ થતાં વેપારીઓ અને પર્યટન ક્ષેત્રને ફટકો, પુનઃ શરૂ કરવાની માગ
April 03, 2025 09:09 PMઅમેરિકામાં તોફાનથી ભયંકર તબાહી, લાખો ઘરોની વીજળી ગુલ, પૂર આવવાનો પણ ખતરો
April 03, 2025 09:07 PMલંડનથી મુંબઈ આવી રહેલી ફ્લાઈટ ટર્કી પહોંચી, 200થી વધુ ભારતીયો 15 કલાકથી ફસાયા, જાણો શું છે કારણ
April 03, 2025 09:05 PM4 એપ્રિલની ગાંધીધામ-પાલનપુર-ગાંધીધામ એક્સપ્રેસ આંશિક રીતે રદ રહેશે
April 03, 2025 09:02 PMCopyright © 2023-2024 Aajkaal Daily
Developed by Rhythm Infotech