સ્ટેયરીંગ પરનો કાબુ ગુમાવતા રોડથી નીચે ખાડામાં બાઇક ખાબકયું

જામજોધપુર તાલુકાના સડોદરથી ધુનધોરાજી ગામ તરફ જવાના રસ્તે એક તરુણે મોટરસાયકલ પર સ્ટેયરીંગનો કાબુ ગુમાવી દેતા બાઇક રોડ નીચે ખાડામાં પડી જતા ગંભીર ઇજા થવાથી તેનું સારવાર દરમ્યાન મૃત્યુ નિપજયુ હતું.
જામજોધપુરના સડોદર ગામમાં રહેતા હેમત થોભણભાઇ મુંધવા (ઉ.વ.૩૫)એ શેઠવડાળા પોલીસમાં કનાભાઇ મુંધવા સામે ફરીયાદ કરતી એવી વિગત જાહેર કરી હતી કે, ગઇકાલે ૧૭ વર્ષના તરુણે સાહેદ પુનાભાઇ મુંધવાના હવાલાવાળુ મોટરસાયકલ નં. જીજે૩એચએલ-૨૦૨૭ ધુનધોરાજી તરફ જવાના રોડ પર પુરઝડપે અને બેફીકરાઇથી ચલાવી સ્ટેયરીંગ પરનો કાબુ ગુમાવી દેતા બાઇક રોડથી નીચે ખાડામાં પડી ગયુ હતું.
આ અકસ્માતમાં ચાલકને માથા તથા શરીરના ભાગે ગંભીર ઇજાઓ થતા સારવાર દરમ્યાન પોતાનું મૃત્યુ નિપજાવ્યુ હતું. હેમતભાઇનું નિવેદન લઇને શેઠવડાળા પોલીસ દ્વારા આગળની કાર્યવાહી કરી હતી. તરુણના મૃત્યુથી શોકની લાગણી ફેલાઇ ગઇ હતી.