શહેરના જુના મોરબી રોડ પર વેલનાથ પરામાં આવેલા કૈલાસ પાર્કમાં રહેતો રાજેશ વેલજીભાઈ જાટ (ઉ.વ.30) નામના યુવકે આજે સવારે પોતાના ઘરે હતો ત્યારે પંખામાં સાડી બાંધી ફાંસો ખાઈ આપઘાત કરી લેતા પરિવારે 108 ને જાણ કરતા 108 ની ટીમ બનવાના સ્થળે પહોંચી યુવકને જોઈ તપાસી મૃત જાહેર કરતા પરિવારમાં કલ્પાંત સર્જાયો હતો, બનાવની જાણ બી ડિવિઝન પોલીસને કરવામાં આવતા પોલીસ સ્ટાફ દોડી ગયો હતો અને જરૂરી કાર્યવાહી કરી મૃતદેહને પીએમ માટે સિવિલ હોસ્પિટલમાં ખસેડ્યો હતો.
મૃતક ચાર ભાઈ બે બહેનમાં નાનો હતો અને છૂટક મજૂરી કામ કરતો હતો. આઠેક વર્ષ પહેલા રાજકોટમાં જ લગ્ન થયા હતા પરંતુ દંપતી વચ્ચે અવાર નવાર ઝગડા થતા હોવાથી છૂટાછેડા કયર્િ હતા. સંતાનમાં સાત વર્ષની પુત્રી છે, પરિવારજનોના કહેવા મુજબ પુત્રને દારૂ પીવાની પણ ટેવ હતી કદાચ નશાની હાલતમાં પગલું ભરી લીધાનું જણાવ્યું હતું. આગળની તપાસ બી,ડિવિઝન પોલીસે હાથ ધરી છે.