ફિટ રહેવા અને વજન ઘટાડવા માટે લોકો જીમમાં ખૂબ પરસેવો પાડે છે. એટલું જ નહીં કેટલાક લોકો ભારે વર્કઆઉટની સાથે ડાયેટિંગ પણ ફોલો કરે છે પરંતુ જો લાઈફસ્ટાઇલ જ ખરાબ હોય તો ગમે તેટલા પ્રયત્નો કરો, ફિટ રહેવું મુશ્કેલ છે. ત્યારે ખાવાની આદતો પર પણ ધ્યાન આપવાની જરૂર છે.

ફિટ રહેવા માટે હંમેશા કસરતની જરૂર નથી હોતી. જોકે નિયમિતપણે એક્ટિવ રહેવાથી સ્વાસ્થ્યમાં સુધારો જોઈ શકાય છે પરંતુ જો કસરત ન કરવા માંગતા હોવ તો પણ કેટલીક સરળ પદ્ધતિઓ અપનાવીને ફિટ રહી શકો છો. એવી કેટલીક ટિપ્સ છે જેને દરરોજ અનુસરીને ફિટ રહી શકો છો.

સંતુલિત આહાર પર ધ્યાન આપો

ફિટ રહેવા માટે સૌથી મહત્વની બાબત એ છે કે સ્વસ્થ આહાર. આહારમાં પ્રોટીન, કાર્બોહાઇડ્રેટ્સ, ફેટ, વિટામિન્સ અને ખનિજોથી ભરપૂર ખોરાકનો સમાવેશ કરો. તાજા ફળો, શાકભાજી, આખા અનાજ અને સ્વસ્થ ફેટથી ભરપૂર ખોરાક ખાઓ.

પૂરતું પાણી પીવું

શક્ય તેટલું પોતાને હાઇડ્રેટેડ રાખો. પાણી શરીરના તાપમાનને નિયંત્રિત કરવામાં પાચનમાં મદદ કરવામાં અને ત્વચાને હાઇડ્રેટ રાખવામાં મદદ કરે છે. દરરોજ 8-10 ગ્લાસ પાણી પીવાનો પ્રયાસ કરો. આ શરીરમાંથી ઝેરી પદાર્થો દૂર કરે છે.

જાતને એક્ટિવ રાખો

કસરત કર્યા વિના પણ તમારી જાતને સક્રિય રાખી શકો છો. સફાઈ, વાસણો ધોવા અથવા કપડાં જેવા ઘરના કામો પણ હળવી શારીરિક પ્રવૃત્તિઓમાં શામેલ છે. તે કેલરી બર્ન કરે છે અને સ્નાયુઓને મજબૂત બનાવે છે.

યોગ અને ધ્યાન

યોગ અને ધ્યાન પણ માનસિક-શારીરિક સ્વાસ્થ્ય સુધારવાના સારા રસ્તા છે. યોગ દ્વારા લવચીકતા વધારી શકો છો, તણાવ ઘટાડી શકો છો અને માનસિક શાંતિ મેળવી શકો છો. આ એકંદર સ્વાસ્થ્ય માટે સારું છે.

ઊંઘ પૂરી કરો

શારીરિક અને માનસિક સ્વાસ્થ્ય માટે પૂરતી ઊંઘ લેવી ખૂબ જ મહત્વપૂર્ણ છે. 7-8 કલાકની ઊંઘ માત્ર શરીરને રિચાર્જ નથી કરતી પરંતુ તે ચયાપચયને પણ સુધારે છે. તે વજન નિયંત્રિત કરવામાં મદદ કરે છે. ઊંઘનો અભાવ રોગપ્રતિકારક શક્તિને નબળી બનાવી શકે છે અને શારીરિક થાક પણ વધારી શકે છે.