ઘણી વખત લગ્નના ફંક્શન માટે મોંઘા કપડા ખરીદવામાં આવે છે. આ એવા કપડાં છે જે માત્ર એક કે બે વાર પહેરવામાં આવે છે, છોકરીઓના કિસ્સામાં જ્યારે તેનો ફોટો સોશિયલ મીડિયા પર આવે છે ત્યારે તે કપડાંને ફરીથી પહેરવા થોડા મુશ્કેલ બની જાય છે. ત્યારે શું કરવું જોઈએ જેથી જૂના કપડા વેચી શકાય અને તમને કોઈ નુકસાન ન થાય? પરંતુ શું તમે જાણો છો, તમારા જૂના કપડા વેચીને સારી એવી કમાણી કરી શકો છો. આમાંની કેટલીક એપ્લિકેશનો તમને ડોર ટુ ડોર સેવા પણ પૂરી પાડે છે. જેમાં તેઓ જાતે તમારા ઘરેથી કપડા લેવા આવે છે.

જૂના કપડાંનું વેચાણ: આ ચાર એપ્લિકેશન કરશે મદદ

તમે જૂના કપડાં વેચી શકો છો અને તેમાંથી પૈસા પણ કમાઈ શકો છો. ભારતમાં એવી ઘણી વેબસાઈટ છે જે જૂના કપડા લઈને તેને નવા તરીકે વેચે છે અને તેના માટે તમને પૈસા પણ આપે છે. આ માટે આ ચાર એપ્સ - Meesho, Free Up, Relove and Gletot તમારા માટે ફાયદાકારક સાબિત થશે.

સ્માર્ટફોનમાં આમાંથી કોઈપણ એપ ઇન્સ્ટોલ કરી શકો છો. ઇન્સ્ટોલેશન પછી તમારા નંબર સાથે લોગિન કરો, સાચું સરનામું ભર્યા પછી તમે તમારા કપડાં વેચી શકો છો. GLETOT જેવી એપ પણ તમને ડોર ટુ ડોર સર્વિસ પૂરી પાડે છે. તમે તમારા વિસ્તારમાં તેમની સેવાને ચકાસીને એપ્લિકેશનનો ઉપયોગ કરી શકો છો.

આ સિવાય જો તમે H&M જેવી બ્રાન્ડના કપડાં તેમની વેબસાઇટ અથવા ઑફલાઇન સ્ટોર પર પરત કરો છો, તો તમને 15 ટકા સુધીનું ડિસ્કાઉન્ટ મળી શકે છે.

જો તમારે આ બધું ન કરવું હોય તો Google પર NGO NEAR ME લખીને સર્ચ કરો. તમારી નજીક જે પણ એનજીઓ આવે છે, તમે ત્યાં જઈને તમારા કપડાં દાન કરી શકો છો. આ તમને પૈસા ભલે ન આપે પરંતુ તમને ખુશી ચોક્કસથી આપશે.

નોંધ કરો કે કપડાંની પુનર્વેચાણ કિંમત પ્લેટફોર્મ દ્વારા જ નક્કી કરવામાં આવે છે, જો તમારા કપડાં તેમના ટર્મ અને કન્ડિશન પ્રમાણે યોગ્ય હોય તો તેઓ તમને તેના માટે વધુ સારી રકમ આપી શકે છે.