રોકડ, મોબાઇલ અને સાહિત્ય કબ્જે : એકનું નામ ખુલ્યુ

જામનગરના ગુલાબનગર અને જામજોધપુરના મોટા વડીયામાંથી બે વર્લીબાઝ પોલીસની ઝપટમાં આવ્યા હતા, રોકડ, મોબાઇલ અને સાહિત્ય જપ્ત કરાયુ હતું.
જામનગરના ગુલાબનગર રામવાડી શેરી નં. ૪માં રહેતા ભાવેશ મધુ ખોખર (ઉ.વ.૪૧) નામના રીક્ષા ડ્રાઇવરને ગુલાબનગર મેઇન રોડ પર વર્લી મટકાનો જુગાર રમતા આંકડા લખેલી ચિઠ્ઠી અને ૨૫૯૦ની રોકડ સાથે દબોચી લીધો હતો.
આ ઉપરાંત જામજોધપુરના મોટા વડીયા ગામમાં રહેતા રામશી ખીમા ડાંગરને ગામમાં દુકાનના ઓટલા પર જાહેરમાં વર્લી મટકાનો જુગાર રમતા એક મોબાઇલ ૨૭૦૦ની રોકડ અને આંકડા લખેલો એક ચોપડો મળી કુલ ૧૦૭૦૦ના મુદામાલ સાથે પકડી લીધો હતો જેમાં મોટા વરીયા ગામના રાજશી ડાંગરનું નામ ખુલ્યુ હતું.