@aajkaalteam 
​​​​​​​
આજ ના સમયમાં બર્થડે થી લઈને લગ્ન પ્રસંગોમાં પણ કેક કાપવામાં આવે છે. પરંતુ સ્વિઝરલેન્ડની નતાશા કોલિન નામની એક છોકરીએ કેકનો થોડોક અલગ રીતે ઉપયોગ કર્યો કે જેણે જોઇને બધા લોકો ચોંકી ગયાં અને તેના આ કામની નોંધ  છેક વિશ્વ સ્તરે લેવાઈ.

સ્વિટ્ઝરલેન્ડની બેકર નતાશા કોલિનેએ કેકનો સૌથી મોટો અને પહેરી શકાય તેવો ડ્રેસ બનાવ્યો છે, જેના માટે તેને ગિનિસ બુક ઓફ વર્લ્ડ રેકોર્ડમાં સ્થાન મળ્યું છે. તેના દ્વારા બનાવવામાં આવેલા વેરેબલ કેક ડ્રેસનું વજન 131 કિલો હતું. નતાશાએ સ્વિસ વર્લ્ડ વેડિંગ ફેર દરમિયાન વર્લ્ડ રેકોર્ડ બનાવ્યો છે. સ્વિસ વર્લ્ડ વેડિંગ ફેરમાં મહેમાનોમાં કેકના ભાગોનું વિતરણ કરવામાં આવ્યું હતું. ગિનીસ વર્લ્ડ રેકોર્ડ અનુસાર નતાશાએ આ વર્ષે 15 જાન્યુઆરીએ પોતાના કેક જેવા ક્રિએશનનું અનાવરણ કર્યું છે. આ કેક ડ્રેસનો પરિઘ 4.15 મીટર, ઊંચાઈ 1.57 મીટર અને વ્યાસ 1.319 હતો. તેને એલ્યુમિનિયમ ફ્રેમ દ્વારા ટેકો આપવામાં આવ્યો હતો જે સ્કર્ટ તરીકે સેવા આપે છે. તેમાં એક નાનું બોર્ડ પણ હતું જેણે કેકને સ્થાને રાખી હતી અને પૈડાઓએ મોડેલને તેમાં સરળતાથી ચાલવામાં મદદ કરી હતી. કેક ડ્રેસનો ઉપરનો ભાગ ખાંડની પેસ્ટથી બનાવવામાં આવ્યો હતો.

આ કેક ડ્રેસ પહેરેલો વીડિયો પણ ગિનિસ બુક ઓફ વર્લ્ડ રેકોર્ડે પોતાના ઈન્સ્ટાગ્રામ પર શેર કર્યો છે. તેમાં એક મોડેલને શાહી આઈસિંગ અને સ્વીટહાર્ટ નેકલાઇનથી બનેલા ફૂલોથી શણગારેલી કેક વેડિંગ ડ્રેસ પહેરેલી બતાવવામાં આવી છે. તે લોકોને કેકના ટુકડાની મજા માણતા પણ બતાવે છે.