કાળાનાળા વિસ્તારમાં ચિલ્ડ્રન હોસ્પિટલ ધરાવતા ડોકટરે ફેસબુકમાં આવેલી શેર માર્કેટને લગતી એડની લીંકમાં જોડાઈ શેરબજારમાં ટ્રેડીંગના નામે સાઈબર ગઠીયાએ રોકાણ કરી કમાણી કરવાનું પ્રલોભન આપતા ડોક્ટરે ઓનલાઈન બેંક એકાઉન્ટમાં રૂા.50.89 લાખ એપ્લીકેશનમાં બતાવેલા બેંક એકાઉન્ટમાં કટકે કટકે મોકલતા રૂપિયા મેળવી લઈ સાઈબર ગઠીયાએ ડોકટર સાથે છેતરપીંડી અને વિશ્વાસઘાત કરતા ફરીયાદ નોંધાવા પામી છે.
 શહેરના વિધ્યાનગર વિસ્તારમાં આવેલી બહેરા મુંગાની શાળા સામે રહેતા અને શહેરના કાળાનાળા વિસ્તારમાં વાત્સલ્ય ચિલ્ડ્રન હોસ્પિટલ ખાતે બાળકોના ડોકટર તરીકે મેડીકલ પેકટીસ કરતા ડો. રાજીવભાઈ મનહરલાલ ધંધુકીયાએ ભાવનગર સાઈબર પોલીસ સ્ટેશનમાં ફરીયાદ નોંધાવી હતી કે, ગત તા. 20.6ના રોજ સોશીયલ મીડિયો પરથી એક શેરબજારને લગતી જાહેરાત જોવા મળતા અને તેમા વોટ્સઅપ ગૃપમાં જોઈન્ટ થયા બાદ તેમાં સ્ટોક માર્કેટને લગતા સમાચાર અને ટ્રેડીંગની ટીપ્સ આવતી બાદ તેઓએ આફમાપ નામની એપ્લીકેશન ડાઉનલોડ કરતા ટ્રેડિંગ વિષે આઈપીઓ લાગશે અને ટ્રેડીંગ કરવાથી સ્ટોક ઓછા ભાવે મળે છે. નફો થશે તેવુ જણાવી તેની પાસે એપ્લીકેશન એકાઉન્ટ બનાવી વોટસએપમાં સ્ટોક એપ્લીકેશનમાંથી ખરીદ કરવા બેંક એકાઉન્ટ મંગાવતા તેઓએ તેના પિતા વિનોદભાઈ જોષીના એકાઉન્ટમાથી અલગ અલગ સમયે વિશ્વાસમાં આવી શેરબજારમાં ટ્રેડિંગના નામે રૂા. 50.89 લાખ બેંક એકાઉન્ટમાં તેની પાસેથી મેળવી લીધા હતા. બાદ તેઓને બેંક એકાઉન્ટમાં થોડી રકમનું વિડ્રોલ આપ્યુ હતું. બીજી વાર નાણા વિડ્રોલ કરવા રીકવેસ્ટ કરતા તેઓને ટેક્સ અને બીજા ચાર્જીસના વધુ પૈસા ભરવા પડશે તેમ કહી તેઓની રકમ વિડ્રોલ ન થવા દઈ તેઓ સાથે વિશ્વાસઘાત અને છેતરપીંડી કરી હતી. બનાવ સંદર્ભે પોલીસે આઈપીસી, 406, 420, 419, મુજબ ગુનો દાખલ કરી ધોરણસર કાર્યવાહી હાથ ધરી હતી.