બાંગ્લાદેશમાં રવિવારે યોજાયેલી ચૂંટણી માટે મતદાન સાંજે પૂર્ણ થયું હતું. અહીં આ પછી તરત જ મતગણતરી શરૂ થઈ ગઈ છે. મતગણતરી સોમવાર સુધી ચાલુ રહી શકે છે. એવું માનવામાં આવે છે કે સોમવારે અંતિમ પરિણામ જાહેર કરવામાં આવશે.

સવારે 8 વાગ્યાથી મતદાન શરૂ થયું હતું.
સવારે 8 થી સાંજે 4 વાગ્યા સુધી મતદાન ચાલુ હતું. એવું અનુમાન છે કે 8 જાન્યુઆરીએ સવારે ચૂંટણી પરિણામ જાહેર થશે. વડાપ્રધાન શેખ હસીના પાસે ફરી એકવાર આ ચૂંટણી જીતવાની સારી તક છે. જો આમ થશે તો તે સતત ચોથી વખત પીએમ બનશે.

પૂર્વ વડાપ્રધાન ખાલિદા ઝિયા નજરકેદ
પૂર્વ વડા પ્રધાન ખાલિદા ઝિયાના મુખ્ય વિરોધ પક્ષ બાંગ્લાદેશ નેશનાલિસ્ટ પાર્ટી (BNP) એ ચૂંટણીનો બહિષ્કાર કર્યો હોવાથી વડાપ્રધાન શેખ હસીના રેકોર્ડબ્રેક ચોથી વખત જીતે તેવી સારી સંભાવના છે. ખાલિદાને ભ્રષ્ટાચારના આરોપમાં દોષિત ઠેરવવામાં આવ્યા હતા અને હાલમાં તેઓ નજરકેદ છે.