દિવાળીના તહેવાર નજીક આવી રહ્યા છે, રંગોની ખુશી મનાવવા માટે લોકો આતુર થઇ ગયા છે ત્યારે જામનગરમાં રંગબેરંગી કલરનું આગમન થઇ ચૂકયું છે, ખાસ કરીને ચીરોડીના કલરની શહેરમાં ભારે બોલબાલા છે, જો કે ગયા વખતે કલરનું વેંચાણ થોડુ ઘટયું હતું, પરંતુ આ વખતે કેટલાક કલરના ભાવ ૧૫ થી ૨૫ ટકા જેટલા વધી ગયા છે, અત્યારથી દિવાળીનો માહોલ શરુ થઇ ચૂકયું છે, લોકો અગીયારસથી પોતાના ઘરમાં અને ઓફીસમાં રંગોળી બનાવે છે અને તેમાં ઓળખ પ્રમાણે જાતજાતના રંગબેરંગી કલર પુરીને રંગોળીની સજાવટ કરે છે, રંગોળી બનાવીને શુભ કાર્ય કરવું એ વર્ષોથી ચાલ્યું આવે છે અને જેમના આંગણામાં રંગોળી હોય તેમના ઘરમાં અને ઓફીસમાં વૃઘ્ધી થાય છે, રંગોળી એક શુકનનું પ્રતિક છે ત્યારે શહેરમાં અનેક સ્થળોએ દુકાનો અને રેકડીઓમાં વિવિધ રંગોનું વેંચાણ વધી ગયું છે આ વખતે કેટલાક કલરફુટ વિશિષ્ટ રંગો પણ બજારમાં આવ્યા છે જો કે તેના ભાવમાં પણ સારો એવો વધારો થયો છે.