દેશના જુદા જુદા હિસ્સાઓમાં વાતાવરણના મામલે જમીન આસમાનનો ફેરફાર લોકો અનુભવી રહ્યા છે. અરબી સમુદ્રમાં સર્જાયેલી લો પ્રેશર સિસ્ટમના કારણે તમિલનાડુ કેરલા અને લક્ષદ્રીપ મા ભારે વરસાદ પડી રહ્યો છે. લક્ષદીપમાં ભારેથી અતિ ભારે વરસાદનું એલર્ટ આપવામાં આવ્યું છે. આવી જ રીતે મધ્યપ્રદેશ છત્તીસગઢ ઉત્તર પ્રદેશ બિહાર ઝારખડં અને ઓડિશામાં આજથી તારીખ ૫ સુધી વરસાદની ચેતવણી આપવામાં આવી છે.

બંગાળની ખાડી અને અરબી સમુદ્રમાં સર્જાયેલી નવી સિસ્ટમના કારણે દરિયાકાંઠાના વિસ્તારોમાં પવનની ગતિ એકાએક જોરદાર રીતે વધી ગઈ છે.પ્રતિ કલાકના ૪૦ થી ૪૫ કીલોમીટર ની ઝડપે પવન ફકાય છે અને અમુક તબક્કે તેની સ્પીડ ૫૫ કીલોમીટર સુધી પહોંચી જાય છે.

જમ્મુ કશ્મીર અને હિમાલયન રીજીયનમાં ભારે બરફ વર્ષા ના કારણે ઠંડી ધ્રુજાવી રહી છે. પંજાબ હરિયાણ રાજસ્થાન ઉત્તર પ્રદેશ સહિતના રાયોમાં કોલ્ડ વેવનું એલર્ટ આપવામાં આવ્યું છે. ગઈકાલે સમગ્ર દેશમાં સૌથી નીચું તાપમાન પૂર્વ રાજસ્થાનના શિકાર સેન્ટરમાં ૪.૫ ડિગ્રી નોંધાયું હતું.

૧૦૦ મીટર જેટલું પણ માંડ દેખાય તેવો ફોગ પંજાબ હરિયાણા રાજસ્થાન જમ્મુ કશ્મીર હિમાચલ પ્રદેશ ઉતરાખડં ઓડિશા આસામ મેઘાલય નાગાલેન્ડ મણીપુર મિઝોરમ અને ત્રિપુરામાં અનેક જગ્યાએ છે. વિઝિબિલિટી સાવ નહિવત થઈ ગઈ છે અને તેના કારણે જનજીવનને અને વાહન વ્યવહારને ગંભીર વિપરીત અસર પહોંચી છે.