ખંભાળિયા નજીકના રેલમાર્ગ પર ગઈકાલે એક અજાણ્યા યુવાનનો મૃતદેહ મળી આવ્યો હતો. આ બનાવ અંગે અહીંના લુહાર શાળ વિસ્તારમાં રહેતા ગૌતમભાઈ રમેશભાઈ વાઘેલાએ અહીંની પોલીસમાં જાહેર કરેલી વિગત મુજબ ખંભાળિયાના ધરમપુર વિસ્તાર પાસે આવેલા રેલ્વે ટ્રેક પર ગઈકાલે શુક્રવારે સાંજે એક અજાણ્યા યુવકનો મૃતદેહ મળી આવ્યો હતો.

આશરે 42 વર્ષના અજાણ્યા યુવાન અને કોઈ કારણોસર ટ્રેનના પાટા વચ્ચે આવી જતા તેમનું ગંભીર રીતે ઇજાગ્રસ્ત હાલતમાં મૃત્યુ નિપજ્યું હતું. આ બનાવમાં ખંભાળિયા પોલીસે હાલ અકસ્માત મૃત્યુ અંગેની નોંધ કરી, આગળની તપાસ હાથ ધરી છે.