રાજકોટ એસઓજીની ટીમે જંગલેશ્વર વિસ્તારમાં ઓરડીમાં છુપાવેલો ૫૧.૮૬૦ ગ્રામ ગાંજો કી..૫,૧૮,૬૦૦ સાથે બે શખસોને ઝડપી લઈ રોકડ, મોબાઈલ મળી કુલ .૫,૨૯,૭૦૦નો મુદામાલ કબ્જે કરી બંને શખ્સોની ગાંજા બાબતે પૂછપરછ કરતા આ ગાંજાનો જથ્થો જાવેદ જુણેજાએ વેંચવા માટે આપ્યો હોવાનું કબુલતા પોલીસે જાવિદ જુણેજાની શોધખોળ હાથ ધરી છે. પોલીસ સૂત્રોના જણાવ્યા મુજબ જાવીદ જુણેજા કુખ્યાત બુટલેગર રમાનો પતિ છે.
રાજકોટમાં ડ્રગ્સ સહિતના માદક નશીલા પદાર્થેાનું વેંચાણ કરી યુવાધનને બરબાદ કરતા તત્વો સામે કડક હાથે કાર્યવાહી કરવા પોલીસ કમિશનર બ્રિજેશકુમાર ઝાની સૂચનાના પગલે એસઓજી પીઆઇ એસ.એમ.જાડેજાની રાહબરીમાં એસઓજીની ટિમ પેટ્રોલીંગમાં હતી ત્યારે પો.હેડ.કોન્સ.ઘનશ્યામસિંહ ચૌહાણ અને ઉપેન્દ્રસિંહ ઝાલાને ચોક્કસ બાતમી મળી હતી કે, જંગલેશ્વર શેરી નં–૬ પાસેની હત્પસેની ડેરી વાળી શેરીમાં આવેલી ઓરડીમાં ગાંજોનો મોટો જથ્થો રાખી વેંચાણ કરવામાં આવી રહયું છે. જે બાતમીના આધારેએસઓજીની ટીમે દરોડો પાડી ઓરડીમાત સુફરની બાજકામાં ભરેલો ૫૧,૮૬૦ ગ્રામ ગાંજો કી,.૫,૧૮,૬૦૦નો મળી આવતા પોલીસે હાજર રફીક યુસુફભાઇ જુણેજા (રહે.જંગલેશ્વર શેરી નં–૧૬) અને અસલમ ગુડુભાઇ સૈયદ (રહે–જંગલેશ્વર શેરી નં–૬)ને ઝડપી પાડી તેની પાસે રહેલી રોકડ, અને એક મોબાઈલ મળી કુલ .૫,૨૯,૭૦૦નો મુદામાલ કબ્જે કરી આકરી પુછપરછ કરતા આ જથ્થો જાવિદ જુણેજા વેંચવા માટે આપી ગયો હતો અને તેને ગોંડલના કોઈ શખસ પાસેથી લીધો હોવાની કબૂલાત આપતા પોલીસે ત્રણેય સામે ભકિતનગર પોલીસમાં ગુનો નોંધાવી જાવિદ જુણેજાની શોધખોળ હાથ ધરી છે.